1793 жылы Франциядағы билеуші үкімет жақтастарының бірі Жан Поль Марат қастандықпен өлтірілген болатын. Оны Шарлотта Корде есімді бойжеткен өлтірген. Якобиндік диктатура уақытында Францияда саяси элита мен үкімет мүшелеріне қастандық ұйымдастыру әдеттегі іс болатын. Бірнеше рет Отанды құтқару комитетінің басшысы Максимилиан Робеспьерге де қастандық ұйымдастырылған.
Осы қастандықтардың басы "Халық досы" газетінің редакторы, Парламент депутаты, революциялық террорға үгіттеуші Жан Поль Мараттың өлімі еді. Оны өлтірген Шарлотта Корде. Шарлотта Корде әрекетінің басында қай ұйымның тұрғаны әлікүнге белгісіз? Біреулер оны Жирондистер ұйымдастырды десе, екіншілер оны Монтаньярлар ұйымдастырды дейді. Шарлотта Корде сотта қастандықты өз қалауымен ұйымдастырғанын айтқан.
Сол кезеңде Жан Поль Мараттың өліміне қайғырған азаматтардың бірі Якобиншілер клубындағы серіктесі суретші Жан Луи Давид болған.
Ол, Жан Поль Мараттың қаза табуына байланысты Якобиншілер клубының тапсырмасымен үкіметтің қалауымен бірнеше картиналар салған. Олар: "Мишель Лепелетьенің соңғы уақыты", "Мараттың өлімі", "бозбала Бараның өлімі". Лепелетье, Марат, Бара революция үшін құрбан деп аталған Якобиншіл үкіметтің жақтастары. Қылқалам шебері ретінде Жан Луи Давид аталмыш тұлғаларын өлімін құрбандық есебінде көрсетіп, діни сарын беріп, билікке жағымды реакция тудырды.
Якобиншілер билігі соны қалады.
Картинадағы Мараттың ақтық сөзі ойдан құрастырлған. "Отанын қорғап қайтыс болған төрт балалы отбасы ер адамның жұбайына осы ақшаны беріңдер" деген сөзді Жан Поль Марат жазбаған. Ол автордың өз қиялынан туған. Картинада көрініс берген Шарлотта Корденің - Жан Поль Маратқа жазған хаты шынайы өмірде жетпей, поштада қалып қалған.
Осындай фантазияны қосқан суретші халықтың реакциясын күткені анық.
Жан Поль Мараттың өлімінен кейін Парламент фоесінде ілінген бұл картиналар халық қалауларының революцияға қарсы күштерге жауап беру әрекетіне бағытталды.
Якобиншілер билігі өзі қабылдай бермеген - жекелей әрекет етіп, саяси жүйеге сыймаған адамның өлімін өз мақсатына пайдаланды.
Мараттың өлімінен кейін Якобиншілер билігі Парламенттегі саяси күштерді ""сенімсіздер" туралы заң шығаруға көндірді.
Якобиншілер билігі - Мараттың өлімін өз пайдасына пайдаланып, саяси қарсыластарын жою мақсатында "Сенімсіздер" туралы заңды пайдаланып террор (қорқыту, жою, үркіту) әдісін пайдаланды