VII ғасырдың басында Ислам діні Мұхаммед пайғамбардың үгіт-насихатымен араб тайпаларының бытыраңқылығын жойып, бір мемлекетке біріктіруімен біртіндеп көрші елдерге насихаттала бастады.
Әділ халифтер аталған пайғамбардың төрт ізбасарының кезінде ислам діні шығыста - Орталық Азияға, батыста - Пиреней түбегіне дейін жетті.
VIII ғасырдан бастап ислам дінін қабылдаған халықтарға діннен бастап білім, ғылым, архитектуралық өзгерістер ене бастады.
Аббас әулеті тұсында Араб халифаты ислам дінінің аясында бір мемлекетке біріккен халықтар ішінде - білім, ғылым саласында энциклопедиялық бағытта ізденістер басталды. Дін арқылы Құдайдың жаратылысын жеткізу үшін дін ғұламалары ғылыми ізденістермен кітаптар жаза бастады. Араб халифатының орталығы саналған Бағдат, Дамаск қалаларында көлемді кітапханалары бар медреселері мен даналық үйлері бой көтерді. Аспан әлемін бақылау үшін обсерваториялар салынды.
- Мұсылман ғалымдары - ежелгі заманғы грек және рим философтарының еңбектерін зерделеуден өткізе бастады.
- Философия, математика, астрономия, тарихнама, лингвистика, химия, фармакология, астрономия, музыка, құқық, медицина, география саласында бірнеше еңбектер жарық көрді. Бұл еңбектердегі жаңалықтар заманынан бірнеше ғасыр ілгері туған жаңалық саналды.
- Төрт ғасырда бір-біріне еңбегіне сүйенетін, сілтеме жасайтын ғалымдардың шоғыры пайда болды.
- Пиреней түбегінің ислам орталықтарына Еуропалық христиандар келіп білім ала бастады.
- Құрылыс, құдық қазу, қалалық канализация саласы дамыды.
- Мемлекеттік басқару жүйеленді.
Аббас әулетінің ішкі тұрақтылыққа қол жеткізіп, сыртқы елдермен теңдей қарым-қатынас жасай білуі - білім, ғылым саласындағы өрлеуге себепкер болды.
Аббас халифаты біртіндеп ыдырай бастағанымен ХІІІ ғасырдың ортасына дейін бірнеше қалалар білім, ғылымның орталығы болып қалды.
- Аббас әулетінің мәдени өрлеуге қол жеткізіп, исламдық өркениеттің тууына әсер етуі - VIII ғасыр мен ХІІ ғасыр аралығын ислам мәдениетінің "алтын ғасыры" деген түсінікке қол жеткізді
Сурет ғаламтордан алынды