Ватанды һаҡлаусылар көнөнә ҡарата "Балыҡсы - 2024" конкурсы ойошторолдо. Был традицияға әйләнеп барған конкурсты Аҡъюл хәкимиәте башлығы Игебаев Илнар Айҙар улы тарафынан Аҡъюл ауылы янында Йылайыр йылғаһы буйында үтте.
Тышта сатлама һыуыҡ булыуына ҡарамаҫтан Аҡъяр, Ғәлиәхмә, Аҡнаҙар, Урыҫбай, Аҡъюл ауылдарынан һәм күрше Йылайыр районынан да бик күп балыҡсылар йыйылды. Байрам сараһын асып Аҡъюл ауыл хакимиәте башлығы Игебаев Илнар Айҙар улы ир-егеттәрҙе байрам менән ҡотланы, матур теләктәр әйтте.
Йылайыр буйы матур тамашаға әйләнде. Балыҡсылар бик дәррәү һәм дәртләнеп балыҡ тоторға керешһә, икенселәр усаҡ яғып уха бешереп, сәй ҡайнатырға тотондо.
Ярышта оҫта балыҡсылар йыйылған ине, улар бик күп төрлө номинацияларҙа бүләкләнделәр. Һөҙөмтәлә 1-се урын- Буранбаев Айрат, 2-се урын- Ибраһимов Илдус,3-сө урын- Буранбаев Айҙар яуланы. Еңеүселәргә иҫтәлекле бүләктәр һәм маҡтау ҡағыҙҙары тапшырылды. Иң өлкән балыҡсы Ибраһимов Рамаҙан һәм иң йәш балыҡсы Ишемғолов Ғәйәр ҙә бүләкһеҙ ҡалманы.
Беҙҙең Аҡъюл ауылынан Мөнир Байғужин ,Шамил, Мөрфәиз , Ғәйәр, Ильяс , Рәжәп, Юлдаш ,Ирәндек Ишемғоловтар бик теләп ҡатнаштылар.
Күңелле һәм файҙалы үткәрелгән байрам сараһынан балыҡсылар дәрт, яҡшы кәйеф алып, уха ашап, йылы сәй эсеп таралыштылар.
Бөтә балыҡсылар һәм ошо байрамда ҡатнашыусылар исеменән Илнар Айҙар улына ҙур рәхмәтебеҙҙе еткерәбеҙ! Һеҙгә ныҡлы һаулыҡ эшегеҙҙә уңышлыҡтар теләйбеҙ. Һәр саҡ шулай ябай һәм халыҡ менән бергә булығыҙ!
Автор:Ләйсән Ишемғолова