«Айыҡ ауыл-2023» республика бәйгеһендә ҡатнашҡан Оло Әбеш ауылында «Имен тәбиғәт – һау киләсәк» төбәк-ара экологик фәнни-ғәмәли форумы үтте. Уның сиктәрендә оҫталыҡ дәрестәре ойошторолдо, мәҙәниәт усағының фойеһында Оло Әбеш ауылы оҫталарының һәм мәктәп уҡыусыларының ҡул эштәре, урындағы шифалы үләндәр һәм емеш-еләктәр, 2021 йылда янғын менән көрәште һүрәтләнгән фотографиялар күргәҙмәләре урын алды. Теләгән һәр кем шифалы үләндәр һәм емеш-еләктәр ҡушып әҙерләнгән самауыр сәйен ауыҙ итте. Ошо күргәҙмәлә ҡатнашҡан Оло Әбеш ауылынан Нәсимә Ибраһимова шифалы үләндәр һәм емеш-еләктәр һәм уларҙан әҙерләнгән ризыҡтар, шулай уҡ төрлө сиргә дауа булған балауыҙ майы әҙерләү сере менән дә таныштырҙы. —Беҙ йәйге миҙгелдең бер көнөн дә бушҡа үткәрмәйбеҙ. Урман-ҡырҙарға сығып шифалы үләндәр, емеш-еләк, бәшмәк йыябыҙ. Унан һуң емеш-еләктәрҙән ҡайнатмалар ҡайнатабыҙ, ҡаҡ һәм сейәле май әҙерләйбеҙ, туңдырып та һаҡлайбыҙ. Тауҙа үҫкән йыуаны ла туңдырғыста һаҡлап, һуңынан уны аш-һыу бешергәндә ҡуллана
«Айыҡ ауыл-2023» республика бәйгеһендә ҡатнашҡан Оло Әбеш ауылында «Имен тәбиғәт – һау киләсәк» төбәк-ара экологик фәнни-ғәмәли форумы үтте. Уның сиктәрендә оҫталыҡ дәрестәре ойошторолдо, мәҙәниәт усағының фойеһында Оло Әбеш ауылы оҫталарының һәм мәктәп уҡыусыларының ҡул эштәре, урындағы шифалы үләндәр һәм емеш-еләктәр, 2021 йылда янғын менән көрәште һүрәтләнгән фотографиялар күргәҙмәләре урын алды. Теләгән һәр кем шифалы үләндәр һәм емеш-еләктәр ҡушып әҙерләнгән самауыр сәйен ауыҙ итте. Ошо күргәҙмәлә ҡатнашҡан Оло Әбеш ауылынан Нәсимә Ибраһимова шифалы үләндәр һәм емеш-еләктәр һәм уларҙан әҙерләнгән ризыҡтар, шулай уҡ төрлө сиргә дауа булған балауыҙ майы әҙерләү сере менән дә таныштырҙы.
—Беҙ йәйге миҙгелдең бер көнөн дә бушҡа үткәрмәйбеҙ. Урман-ҡырҙарға сығып шифалы үләндәр, емеш-еләк, бәшмәк йыябыҙ. Унан һуң емеш-еләктәрҙән ҡайнатмалар ҡайнатабыҙ, ҡаҡ һәм сейәле май әҙерләйбеҙ, туңдырып та һаҡлайбыҙ. Тауҙа үҫкән йыуаны ла туңдырғыста һаҡлап, һуңынан уны аш-һыу бешергәндә ҡулланабыҙ. Ҡайын туҙынан ауыҙ ҡыуышлығын таҙартҡан, теш ҡаҙнаһын нығытҡан ҡара һағыҙ ҡайнатабыҙ, ә ҡарағастың сайырынан әҙерләнгән һағыҙ ҡатын-ҡыҙҙарҙың сирҙәрен дауалауҙа ҡулланыла. Беҙ әҙерләгән балауыҙ майының да файҙалы үҙенсәлектәре бар, бигерәк тә бешкән-янған йә иһә өшөп-туңған тиренең уңалыуына, яраларҙың бөтәшеүенә булышлыҡ итә. Ул ҡаҙҙың эс майы (йәки һыйыр майы) менән умарта рамындағы "иҫке" балауыҙ ҡушып эшләнә, — тине Нәсимә Ибраһимова.