Шәһәр мәдәният йортында «Башкортстанның ел укытучысы-2024» республика педагогик осталык конкурсының муниципаль этабында катнашучыларны бүләкләү тантанасы узды.
Быел 32нче тапкыр оештырылган бәйгедә Октябрьский гомумбелем бирү учреждениеләреннән талантлы 12 педагог катнашты. «Елның яшь укытучысы» исеме өчен дүрт һөнәрман көч сынашты.
«Ел укытучысы-2024» конкурсында катнашучыларны хакимият башлыгы урынбасары Октябрь Латыйпов сәламләде.
— Безнең шәһәрдә үз һөнәренә гашыйк булган сәләтле, максатчан, яшь буынны тәрбияләүгә бөтен көчен һәм энергиясен салган кешеләр яши һәм эшли, — диде ул. — «Башкортстанның ел укытучысы» республика педагогик осталык конкурсында катнашучыларның барысы да җиңүче, чөнки сезнең кебек зур тәҗрибәгә һәм сабырлыкка ия һөнәрманнар гына заман сулышын тоеп, мәгариф системасы эшчәнлеген эзлекле һәм уңышлы итеп кора ала.
Ниһаять, көннең иң дулкынландыргыч — җиңүчеләр һәм призерлар белән танышу вакыты җитте.
«Ел укытучысы-2024» республика конкурсының муниципаль этабы җиңүчесе дипломы, «Зирәклек канаты» конкурсының төп призы һәм акчалата премия белән 13нче мәктәпнең рус теле һәм әдәбияты укытучысы Мария Парфенчук бүләкләнде. Ярыш нәтиҗәләре буенча иң күп балл җыйган Мария Ильинична бәйгенең абсолют җиңүчесе дип игълан ителде.
«Рус теле һәм әдәбияты ел укытучысы» юнәлеше буенча «Ел укытучысы-2024» республика бәйгесенең муниципаль этабы җиңүчесе дипломы, «Зирәклек канаты» конкурсының төп призы һәм акчалата премия белән 22нче мәктәпнең рус теле һәм әдәбияты укытучысы Вәсилә Турчина бүләкләнде.
«Елның яшь укытучысы» юнәлеше буенча «Ел укытучысы-2024» республика конкурсының муниципаль этабы җиңүчесе дипломы, «Зирәклек канаты» бәйгесенең төп призына һәм акчалата премиягә 17нче мәктәпнең тарих һәм җәмгыять белеме укытучысы Камилә Шәрипова лаек булды.
Мәгариф бүлегенең II дәрәҗә дипломы һәм акчалата премия белән 3нче гимназиянең инглиз теле укытучысы Римма Хәйруллина, мәгариф бүлегенең III дәрәҗә дипломы һәм акчалата премия белән 9нчы мәктәпнең башлангыч сыйныф укытучысы Альбина Ялалетдинова билгеләнде.
«Ел укытучысы-2024» республика конкурсының муниципаль этабының «Иҗат һәм илһам өчен» номинациясендә 12нче мәктәпнең башлангыч сыйныф укытучысы Алинә Вәлиәхмәтова Мактау грамотасына ия булды. Бәйгенең «Педагогик өмет» номинациясендә 11нче татар гимназиясенең география укытучысы Александра Курниковага диплом тапшырылды. «Педагогик эшчәнлектә инновацион технологияләрне куллану» номинациясендә 8нче мәктәпнең башлангыч сыйныф укытучысы Анастасия Солдатова хезмәте диплом белән билгеләнде.
Бәйгедә катнашучыларга «Ел укытучысы-2024» конкурсында катнашучы сертификатлары, чәчәкләр һәм истәлекле бүләкләр тапшырылды.
«СОТЫ» өченче республика педагогик марафоны призерлары — «Зодиак», «Бэби‑ритмы», «Нарыш‑Тау» балалар иҗат коллективлары чыгышлары укытучыларга музыкаль сәлам булып барып иреште.