17 февралдә илдә, шул иҫәптән Башҡортостанда «ИнформУИК» проекты старт ала. Проекттың инициаторы - Рәсәй Үҙәк һайлау комиссияһы.
2024 йылдың 17 февраленән 7 мартына тиклем участка һайлау комиссиялары ағзалары, йәғни тикшереүселәр, халыҡҡа Рәсәй Федерацияһы Президентын һайлау тураһында мәғлүмәт биреү өсөн республиканың бөтә ҡалаларында һәм райондарында фатирҙар һәм йорттар буйлап йөрөп сығасаҡ. Һайлау алдынан «иҫәп алыу»ҙың бурысы - теркәлгән һайлаусылар исемлеген асыҡлау, ниндәй ысулдар менән тауыш бирергә мөмкин икәнлеге хаҡында һөйләү, өйҙә тауыш биреүгә ғариза ҡабул итеү, һорауҙарға яуап биреү.
Уларҙы еңел генә танырға мөмкин: һәр кем зәңгәр яҙыулы аҡ япма (манишка) кейәсәк.
Шулай уҡ үҙе менән:
-зәңгәр туҡыманан тегелгән сумка-шопер;
-күкрәккә таға торған значок;
-участка һайлау комиссияһы ағзаһының исем-фамилияһы һәм атаһының исеме күрһәтелгән, мисәт һуғылған һәм участка һайлау комиссияһы рәйесе ҡул ҡуйған таныҡлығы;
-«ИнформУИК» ҡушымтаһы ҡуйылған телефон;
- мәғлүмәт лифлеты һәм теркәлгән кандидаттар тураһында мәғлүмәт бирелгән листовка буласаҡ.
«Мәғлүмәт участка һайлау комиссияһында ҡатнашыусылар махсус мобиль ҡушымта менән ҡуллана, унда тиҙ генә анкета мәғлүмәттәре индерелә. Барыһы ла халыҡ иҫәбен алғандағы кеүек. Комиссия ағзалары анкетаға ярашлы һорауҙар бирәсәк. Бөтөн процесс бер нисә минут ваҡытты аласаҡ, - тип комментарий бирҙе Башҡортостан Республикаһы Үҙәк һайлау комиссияһы рәйесе урынбаҫары Марат Ғәҙилов. - Эш ваҡытында йөрөүселәргә агитация үткәреү тыйыла. Улар ни бары мәғлүмәт кенә еткерә ала. Хөрмәтле республика халҡы, «обходчиктарға» булышлыҡ итеүегеҙҙе һорайбыҙ. Беҙ хеҙмәттәшлеккә ышаныс белдерәбеҙ».
О. Яровиков фотоһы.