Сәясәтче Украинадагы конфликтны җайга салырга вәгъдә бирде

Американың элеккеге лидеры Дональд Трамп, көзен президент сайлауларында җиңгән очракта, Украинадагы конфликтны инаугурациягә кадәр үк тыныч хәл итүгә ирешергә вәгъдә итте, дип яза «РИА Новости».

«Без Россия белән Украина арасындагы бу коточкыч сугышны мин [АКШ президенты] вазифасына керер алдыннан ук җайга салачакбыз», – дигән ул 20 гыйнварда Нью-Гэмпшир штатында үз тарафдарлары митингында.

Шул ук вакытта Трамп тынычлык урнаштыру өчен күпме вакыт кирәк булачагын, шулай ук конфликтны ничек хәл итәргә ниятләгәнен дә әйтми. «Мин [Россия Президенты Владимир] Путинны яхшы беләм <...> , [Украина Президенты Владимир] Зеленскийны беләм, без моны җайга салачакбыз», – дип өстәгән ул.

Трамп, яңадан сайланган очракта, Украинадагы низагны 24 сәгать эчендә җайга салырга ниятләвен әйткән иде.

• Якутия аналитигы Чокуур Гаврильев: «Конфликт, иң соң дигәндә, 2025 ел башында төгәлләнә»

Россия Президенты Владимир Путин 2022 елның март-апрелендә үк тынычлык турында килешү әзер булуын сөйләгән иде. Россиянең Киев яныннан гаскәрләрен чыгаруы шуның белән бәйле булган.

– Тынычлык турында сөйләшүләрдән алар баш тартты. Истанбулда без барысы турында да сөйләштек. Мин сезгә – хакимият органнарына әйтәм, бу турыда сез белергә тиеш. Әлбәттә, барлык россиялеләр дә белергә тиеш. Без барысы турында да килешкән идек. Украина ягыннан сөйләшүләрдә катнашкан төркемнең җитәкчесе хәтта имзасын куйды. Имза тора! Алар безгә, Россиянең тынычлык турында ниятләре чыннан да җитди икәнен раслый торган адым кирәк – Киевтан гаскәрләрне чыгарыгыз, диделәр. Без чыгардык, икенче көнне үк алар килешүләрне чүп савытына атты, – дип сөйләгән иде Путин Россия төбәкләре башлыклары белән очрашуда.

• Путин: «Украина Россия белән сөйләшүләрдән баш тартмаса, барысы да 1,5 ел элек бетә иде»
• Лавров әйткәнчә, Украинаны Әфганстан язмышы көтә
• Иптәшен һәм командирын коткарып калган Чиләбе егете, «Бабай» кушаматлы Данисның якыннары белән аралаштык