Хәйбулла районының Аҡъюл ауылында “Самауырҙар йырлаһын, халҡым моңо тынмаһын” байрамы үтте.
Иртә менән ҡыҙҙар Зәим шишмәһенән көйәнтәләп һыу алып ҡайтыу ҡыҙҙар өсөн “Башҡортом һылыуҙары, их, һыу алыуҙары” конкурсы ойошторолдо. Инәй - апайҙар шишмә һыуын ҡойоп самауырҙарға ут һалды. Аҙаҡ "Самауырҙы йыҡҡансы, таҫтамалды һыҡҡансы”тигәндәй самауыр артында күңелле мәҙәктәр, самауырға бәйле хәтирәләр ,йыр - моң , милли ризыҡтар менән сәй эсеп байрам дауам итте.
Бәйгелә ҡатнашыусылар:
Ишемғолова Ләйсән - "Ҡомартҡы самауыр” ,Ибраһимова Бүләкбикә - “Боронғо самауыр”,Байғужина Зөлфирә - “Ҡәйнәм самауыры”, Ишемғолова Зөлфиә - ”Заман самауыры”,Ишемғолова Фәнүзә - “Байрам самауыры” , Ҡужина Земфира "Сувенир " самауыр номинацияларында бүләкләнде.
Самауырҙар боронғобоҙҙо ла, бөгөнгөбөҙҙө лә, киләсәгебеҙҙе лә маҡтап йырлаһын, янына ҡунаҡсыл милләттәштәрен йыйһын!
Берҙәм булайыҡ, бергә булайыҡ!
