«Чак кына өстерәп төшермәде! Пырдымсыз!»: Мәскәү тамашачысы Салаватны җибәрми тоткан

«Мәскәүдә булган – Мәскәүдә калсын» дигән видео куйган Салават Фәтхетдинов. Концерт вакытында бер тамашачы аның кулын кыскан һәм җибәрми тота:

«Без сине бик яратабыз. Мин сине бик хөрмәт итәм», – дип сөйли ул. Җырчы: «Хәзер мин әйтәм…» – дип котылмакчы була, әмма тамашачы җибәрми.

Бу видеоны 100 меңнән артык кеше караган. Абзыйны яратып та, тәнкыйть итеп тә язалар.

«Ул аны чак кына өстерәп төшермәде! Пырдымсыз»;

«Халык мәхәббәте шундый була инде... Рәхәт тә, авыр да»;

«Күңелләр тула, нинди бәхет бу сүзләрне тамашачыдан ишетү»;

«Концертында булдык оныгым белән, күп җырларның сүзләрен белеп, кушылып җырлап утырдык»;

«Ахыр чиктә җибәрдеме ул аны?»;

«Һушы китән тәрбиясез тамашачы»;

«Алар әле һаман да шулай торалар, ди»;

«Билем калмады бөкрәеп торып, диген»;

«И-и, бераз гына «салганский»дыр инде, хөрмәт йөзеннән бит»…