Латын Америка елдеріне есірткінің кокайн түріне жеткізудің дәлізі саналатын - Эквадор мемлекетінде 2024 жылдың қаңтар айында қауіпсіздік күштері мен есірткі барондарының қарулы жасақтары арасында атыс қимылдары жүрген болатын. Тіпті есірткі барондарының жасақтары жергілікті телеарнаны басып алу әрекетін жасағаны белгілі.
Жалпы, Латын Америка елдері әсіресе Эквадор, Боливия, Колумбия елдері есірткі өсірумен және оны таратуда алдыңғы қатарда. Бұл елдердің есірткі барондары сайлау науқандарын қаржыландырып, ұнамаған депутат және президент кандидатурасын ұсынатын адамдарға қастандық ұйымдастырып тұрады. Есірткі саудасымен әлеуметтік нысандарды қаржыландырған колумбиялық есірткі бароны Пауло Эскабораның өзі бір аңыз. Әрине, билікке ұмтылған саясаткерлердің көбісі дерлік есірткі саудасымен күресуге уәде беріп жатады.
Эквадордағы саяси жағдайда 2018 жылдан бері осы есірткі саудасымен күреске бағытталып келеді. Президент Даниэль Нобоаның әрекетіде осыған бағытталған.
Есірткі саудасымен байланысты қылмыстық топтар күштік құрылымдарға шабуылдап, түрме бүліктерін ұйымдастырып отырады.
2023 жылғы сайлауға түскен үміткерлер оқ өтпейтін желеттер киіп жүрген.
Қазіргі қақтығыс 8 қаңтардағы қылмыстық топтардың полиция қызметкерлерін ұстап алып кетуден басталды. Президент 9 қаңтарда "ішкі қақтығыс жайлы зааңға" қол қойды.
Бұл заңға сәйкес - күшті құрылымдарға артық өкілеттіліктер беріледі.
Яғни, есірткі саудасымен айналысатын адамдар жай қылмыскер емес лаңкестермен теңеседі.
Қазіргі таңда ақпараттық құралдарының айтуынша Эквадор мемлекетінің бірнеше қалаларында көше ұрыстары жүріп жатқандығы айтылады.
Эквадор мемлекетінің тарихындағы ең жас президент Даниэль Нобоа бұл күресте жеңіп шыға ма? Уақыт көрсетеді
Сурет ғаламтордан алынды