Азәрбайҗанның Баку шәһәрендә бала тудыру йортында янгында сабыйлар һәлак булган. Бу турыда РИА Новости яза.
Бакуда Республика перинаталь үзәгендә фаҗига 9 гыйнварда иртән була. Азәрбайҗан генераль прокуратурасы һәм Гадәттән тыш хәлләр министрлыгы хәбәр иткәнчә, «янгында 4 яңа туган сабый үлгән».
Шулай ук 3 кеше төтен белән агуланган, аларны Клиник медицина үзәгенең токсикология бүлегенә салганнар.
Җинаять эше ачылган, диелә хәбәрдә.
