Балтач бистәсендә яшәүче Динә һәм Рәмис Хәбибуллинар гаиләсендә 1 гыйнвар көнне дүртенче балалары дөньяга аваз салды.
Быелның тарихына кереп калачак батыр егетнең авырлыгы 3,6 кило, буе 55 сантиметр. Әти-әнисе улларына мәгънәле һәм матур Хәсән исеме кушкан.
Бүген бәхетле әти-әнигә тантаналы төстә сабыйларының туу турындагы таныклыгы тапшырылды.
Хәбибуллиннар гаиләсен әлеге шатлыклы вакыйга белән ихластан котлыйбыз. Сабый бу дөньяга үз бәхете белән туып, сау-сәламәт булсын.
