ІХ ғасырда Ұйғыр қағанатының құлауымен пайда болған мемлекеттердің бірі - Қимақ қағанаты. Қимақ қағанаты - Ортағасырлық Қазақстан территориясында қалыптасқан мемлекеттердің көпшілігі секілді өзен бойында қалыптасқан. Тарихтан белгілі - Батыс Түрік, Түргеш қағанаттары - Шу мен Талас өзендері бойында қалыптасса, Қарлұқ қағанаты - Жетісуда, Оғыздар - Сырдария бойында, Ал Қимақтар - Ертіс бойында қалыптасқан.
Қимақтар - Ұйғыр қағанатынан бөлініп шықса да өздерін, Шығыс түрік қағанатының жалғасы деп санаған.
Ортағасырлық мемлекеттер секілді - қалаларыда болған.
Оқулықтарда қимақ қалалары - өзен бойында, тау бөктерінде, кен орындарының маңында салыңғаны айтылады. Ортағасырлық тарихшы әл-Идриси Қимақтардың 16 қаласы болғандығы туралы айтады
Тарихи деректерде - қимақ мемлекетінің басқару аппаратында 11 шенеуніктің болғаны айтылады
Өз кезегінде Қимақ қағанаты - Қырқырхан, Иаксу-Иассу, Қыпшақ жері деген әкімшілік аймақтарға бөлінді
Сурет ғаламтордан алынды
Қимақтар еліне саяхаттап барған Ортағасырлық ақын, саяхатшы, тарихшы Әбу Дулафтың еңбегінде - қимақтар қамыс өсіріп, қамыспен жазатындығы айтылады. Яғни, қимақтар жазу-сызудан кенде болмағандығын байқай аламыз. Ортағасырлық тарихшы, саяхатшы әл-Идриси өз еңбегін Қимақ қағанының ұлы Жанақ ибн Хакан әл-Қимақидің еңбегіне сүйеніп жазғандығы айтып өткен жөн.