Алия Карачурина-Төхвәтуллина социаль челтәрдәге язылучыларының сорауларына җавап биргән. Аларның күбесе, әлбәттә, Алиянең хәзерге халәте һәм карынындагы бәбие турында.
«Йөклелекнең ничәнче атнасы?» – дип кызыксынган бер язылучысы. Алия 25нче атна булуын язган.
«Гендер-пати» ясарга телисезме?» – дигән сорау килгән. «Гендер-пати» ясамыйбыз. Бала туганчы, Ришат үзенә аның җенесен әйтмәскә кушты», – дип җавап биргән Алия. Бу җавапка бәйләп: «Ришат балага алган киемнәрнең төсен күрәчәк бит», – дигәннәр. Алиянең җавабы: «Нейтраль төстәге бик күп матур киемнәр табарга була».
Баланың исеме белән кызыксынучылар да бар. «Балага нинди исем кушарга телисез?» – дигәннәр. Алия бу мәсьәләдә әле авырлыклар булуын яза. «Ваау», матур исем, балама кушар идем, дип әйтерлек исем ишеткәнем юк әле. Кыз бала өчен миндә вариантлар бар әле, ә малай өчен юк. Сезнең ярдәм кирәк булачак», – дигән Алия.
Алиянең хәзерге халәте белән дә кызыксыналар: «Борчыласызмы?» – дигәннәр. Алия «юк» дигән: «Тик минем нервылар балаларча гына уйнамый», – дип тә өстәп куйган.
«Яңа елны кайда каршылыйсыз?» – дигән сорау да бар. «Аллаһ боерса, минем һәм Ришатның әти-әниләре белән Карамалыда», – дип язган Алия Карачурина.