Пушкăртстан Республикинчи вĕрентÿ тата наука министрĕ Ильдар Мавлетбердин социаллă сетьсенче çывхарса килекен хĕллехи каникулсем çинчен аса илтернĕ.
«Вĕренÿ çулĕн иккĕмĕш чĕрĕкĕ вĕçленсе пырать. Шкул ачисем хĕллехи каникула декабрь уйăхĕн 30-мĕшĕнчен кайĕç. Канмалли кунсем 2024 çулхи январь уйăхĕн 8-мĕшĕччен тăсăлĕç. Январĕн 9-мĕшĕнче шкулсем ачасене кĕтеççĕ. Хисеплĕ ĕçтешсем! Каникулсем пуçланиччен ачасене хамăра тытмалли правилăсене аса илтермелле», - тесе палăртнă министр.