Республикăри кардиоцентра УЗИ тата ÿпкене искусствăлла майпа сывлаттармалли çĕнĕ аппаратсемпе тивĕçтернĕ. Çĕнĕлĕхсемпе республикăри кардиоцентр пациенчĕсене диагностика тунă тата сыватнă чух усă курĕç.
Уйрăмăн илес пулсассăн, паянхи самана ыйтнине тивĕçтерекен аппаратсем пысăк пахалăхлă ÿкерчĕксем тума тата диагноза хăвăрт лартма май параççĕ. Аппарат кирлĕ пек ĕçленĕрен тата усă курма меллĕ пулнăран малашне республикăри кардиоцентр специалисчĕсен ĕçĕ çăмăлрах тата тухăçлăрах пулĕ.
Аппарата «Чĕрепе юн тымарĕсен чирĕсемпе кĕрешесси» регионти программа витĕмĕпе уйăрса панă. Унăн пĕтĕмĕшле хакĕ 17 млн тенкĕпе танлашнă.
ПР Сывлăх сыхлав министерствин пресс-служби пĕлтернĕ тăрăх, çĕнĕ оборудовани республикăри кардиологи центрĕнче медицина пулăшăвĕ парассине палăрмаллах лайăхлатĕ.