1789 жылы басталған Франциядағы революция - буржуазиялық өзгерістерді еңгізу үшін ұзақ күрделі кезеңдерден өтті. Мемлекет - абсолюттік монархиядан - конституциялық монархияға; конституциялық монархиядан - республикаға көшті. Конституция бірнеше мәрте қабылданып, бірнеше мәрте өзгертілді.
Революцияның бірінші кезеңінде(1789-1792 жж.) - азаматтық теңдікті орнықтыруда түрлі декларациялар мен декреттер қабылданғанымен, ірі феодалдық топтардың билігі әлісремей - ірі буржуазияға айналып үлгерді. Шаруаларға - шіркеу мен король, ірі феодалдық топтардың жері беріледі дегенімен - жер қымбатқа сатылып, шаруалар жер ала алмай қалды. Шаруалардың наразылығы пайда болды.
Революцияның екінші кезеңінде(1792-1793) - корольдің шетелге қашуға жасалған сәтсіз әрекетімен - сот процесі басталды. Францияда монархияны қалпына келтіру үшін - шетелдік интервенция басталды. Елде әлеуметтік-саяси қақтығыстардың нәтижесінде - "құтырғандар" тобы пайда болды. Бұлар Якобшылдердің тобының солшыл қанаты болды. Яғни, әлеуметтік жағынан аз қамтылғандар мен кедейленген қала тұрғындары, жерсіз қалған шаруалардан құралды. "Құтырғандар" - революцияның жалғасуын талап етіп, билікке әлеуметтік өзгерістерді енгізуді талап етті, сол үшін күрес жүргізді.
"Құтырғандардың" әсерімен - Жирондистердің билігіне қарсы наразылықтар күшейді.
1793 жылы 31 мамырда мемлекеттік төңкерістің нәтижесінде билікке - якобшылдар келді.
Тарихта Якобшылдар билігін кереғар бағалайды. Бұлай бағалау себебі - Якобшылдардың қатал саясат ұстанып, революция мен республика жауларына қарсы жаппай террор саясатын жүргізуі. Бұл саясаттың нәтижесінде мыңдаған адамдар жазаланды.
Қатаң саясаттың нәтижесінде Якобшылдар - интервенттік күштерді жеңіп шықты.
Дегенімен, Якобшылдар қатаң саясат ұстана отырып, экономикада -
- жалақының шекті бағасын еңгізді.
- азық-түлік тапшылығын реттеді.
- елді басқыншыларға қарсы біріктіре білді
- шіркеулер жаппай жабыла бастады
Білім саласында
- жаппай тегін бастауыш білім беруді енгізді
мәдениет саласында
- Корольдік Лувр сарайы - мұражайға айналды
Әскер
- Тұрақты әскер құрылды
Ауыл шаруашылығында
- эмигранттардың жері - жерсіз шаруаларға үлестірілді
Жаппай террор мен жалақорлық, заңдардың орындалмауы - үлкен наразылыққа әкелді. 1794 жылы 27 шілдеде мемлекеттік төңкеріс болып - Якобшылдар биліктен тайдырылды
Сурет ғаламтордан алынды