XVII ғасырдың бас кезінде - XI ғасырдан бастап, король төңірегіне топтасып, қорланған феодалдық құрылыс елді дағдарысқа әкелді. Жердің тарлығы, халықтың көбеюі - феодалдық құрылысты дағдарысқа әкелді. Англиядағы феодализм ұзақ уақыт - көрші мемлекеттермен соғыс кезінде жерді қайта-қайта үлестірумен өміршеңдігін ұстап тұрды. Салықтардың көбеюімен - халық кедейлене берді. Отаршылдық соғыстар - Ағылшын корольдігіне мол табыс әкелді. Бірақ шаруалардың жағдайы жақсармады. ХVII ғасырдың басында наразылықтар өршіді. Король наразылықтарды қуғын-сүргінмен басты.
1639 жылы басталған Шотландиямен басталған соғыс қаржы тапшылығын сездірді. Ағылшын феодалдары корольмен табысымен бөліскісі келмеді. Шаруаларда салық төлейтін ақшасы болмады. Қалыптасып келе жатқан ағылшын буржуазиясы - король тарапынан экономикалық қысым көргендіктен өз табысымен корольмен бөліскісі келмеді.
Ағылшын қоғамының басым бөлігін құрайтын ағылшын шаруалары - феодалдық езгіден жапа шегіп, король мен парламент арасында наразылық басталғанда - парламентті қолдады.
1640-1660 жылдар аралығындағы ағылшын революциясында билікке әсер еткен бірнеше саяси топтар болды. Олар - пресветериандар, левеллер, диггерлер, әскери офицерлер, роялистер (монархистер)
Осылардың арасында ең заманына сай қарама-қайшылыққа толы левеллер болды.
Олар, феодалдар мен королльге қарсы ымырасыз күрес жүргізді. Парламент әскерінің құрылуының басында тұрды. Республиканы қолдаушы ауыл тұрғындарының басым бөлігі осы левеллерден болды.
Леверлер, феодалдық құрылыстың аяқталуымен буржуазиялық қарым-қатынасқа өту кезеңінде ағылшын азаматтарының саяси көзқарастарына әжептеуір әсер етті.
Левеллер: лордтар палатасын тарату, мемлекетті шіркеуден бөлу, шіркеу жерлерін сату, мүлік еркіндігі, жеке бас еркіндігі, діни еркіндік, баспасөз еркіндігі туралы ойлары көпшіліктің қолдауын тапты.
Леверлер, І Карлды соттауды жақтай отырып - Республиканың орнығуына әсер етті.
Бірақ, армияны демократияландыру, парламент сайлауын өткізу, 21 жастан асқан азаматарға сайлау еркіндігін беру, әскери бүліктер ұйымдастыруы, билікті үздіксіз сынауы, парламентке үздіксіз петиция жіберуі - Республиканың әскери-азаматтық билігіне ұнамады.
Оливер Кромвельды сатқындыққа айыптап, леверлердің көсемі Джон Лилберннің өз жақтастарын Вест-Үндістанға жіберу өтініші, Республика билігін мойындамауы - қозғалыстың бәсеңдеуімен саяси қудалауға себепкер болды.
Левеллердің талабы - өз заманынан озық еді. Бірақ олардың талабы сол заманда орындалуы мүмкін болмады. Билік (үкімет әскердің комитеттің сайланып, басқарылуына жол бергісі келмеді), қоғам (әлеуметтік жағына қарамастан саяси теңестіруді қабылдай алмады) - левеллердің талабына дайын болмады. Левеллер өз талабымен саяси күресті өршітіп, Республикалық билікке қауіп төндірді
Сурет ғаламтордан алынды