Азалия Әминева — бокс буенча Русиянең ике тапкыр чемпионы — кичә узган матбугат конференциясендә менә шулай дип белдерде.
Шәһәрнең гаммәви матбугат чаралары белән очрашуга кадәр спорт өлкәсендә югары казанышларга ирешкән шәһәрдәшебез љирле хакимият башлыгы вазыйфаларын башкаручы Алексей Пальчинскийдан котлаулар кабул итте.
Исегезгә төшерәбез, Октябрьский шәһәренең 1нче олимпия резервы спорт мәктәбе тәрбияләнүчесе Азалия Әминева хатын-кызлар арасында бокс буенча Русия чемпионатында алтын медаль алды.
Рингта безнең спортчы 66 килограмм авырлык категориясендә Санкт-Петербургтан Ангелина Ганюкова белән очрашты. Чемпионат Уфада, Рима Баталова исемендәге спорт әзерлеге үзәгендә узды.
Алазия Әминева — Башкорт-стан Республикасында хатын-кызлар арасында бокс буенча беренче ил чемпионы. Шунысы да мөһим, бокс — ул Олимпия спорт төре. Әлбәттә, мондый югары исемгә лаек булыр өчен никадәр көч, сабырлык һәм максатчанлык таләп ителүен боксчы үзе һәм аның тренеры Александр Савкин гына белә.
— Чемпион буларак икенче тапкыр рингка чыгу эмоциональ яктан авыррак бирелде. Чөнки синең тренерыңны, љанатарларыңны һәм, иң мөһиме, үз-үзеңне кыен хәлгә куярга хакың юк, — дип әңгәмә тотты чемпион.
Азалия белән көч сынашырга чыккан көндәшләр таныш була. Моңа кадәр безнең якташыбызга алар белән рингта очрашырга туры килә. Шуңа карамастан, аларның һәрберсенең, көрәш ысулларын күз алдында тотып, Азалия аерым тренировкалар уздыра.
— Һәр ярышка без беренче тапкыр рингка чыккан кебек әзерләнәбез. Чөнки спорт, аеруча бокс, — алдан әйтеп булмый торган күренеш. Сер түгел, без һәр көндәшнең көрәш тактикасын күз алдында тотып әзерләнгән кебек, алар да Азалияне «сафтан» чыгару максатында шөгыльләнә. Шуңа күрә безгә «йомшаклык» күрсәтергә ярамый, титулны яклау һәм аны саклап калу аеруча авыр бирелә, — дип билгеләп үтте Александр Васильевич.
— Азалия, ярышлардан соң ял итәргә, көчне тергезергә вакыт каламы?
— Агымдагы ел, чыннан да, киеренке булды. Љыеннар артыннан љыеннар. Өйдә булмадым да диярлек. Русия чемпионатыннан соң ике атна ял бирделәр. Һәм әлеге көннәрне гаиләм, якын кешеләрем янәшәсендә уздырам.
10 декабрьдә яңа сезонга хәзерлек башланачак. Киләсе елда безне љитди ярышлар көтә. Шуларның берсе — «БРИКС илләренең спорт уеннары» халыкара мультиспорт чарасы. Анда катнашу теләге белән бүгенге көндә 56 ил чыкты.
— Сезнең бөтен вакытыгызны бокс алып тора. Шәхси тормыш, гаилә кору турында уйланырга вакыт та калмыйдыр, — дип кызыксынды журналистлар.
— Бу хакта уйлар бар. Әмма сәламәтлек, көч барында һәм уңышларга ирешкәндә спорттан китү турында уйламыйм.
— Сез боксның нинди аяусыз спорт төре икәнен яхшы татыган шәхес. Балаларыгызны спортка бирер идегезме?
— Алар, әлбәттә, әниләренең яшь чагында нәрсә белән шөгыльләнгәнен беләчәк. Калганын үзләре хәл итәчәк. Ә мин аларны һәр башлангычларында хупларга әзер.
— Азалия, әгәр сезнең тормышта спор булмаса, сез нинди юлны сайлаган булыр идегез?
— Мөгаен, модель булыр идем.
Русия чемпионы Азалия Әминева белән очрашу күңелле миссия белән тәмамланды. Шәһәрнең «Ринг» бокс федерациясе рәисе Солтан Гафуров Октябрьскийның атаклы боксчысына 150 мең сумга сертификат тапшырды.
Илмира ГАЛИЕВА
Автор фотолары