Рифат Зарипов ТНВ каналындагы «Гаилә учагы» тапшыруында катнашкан һәм үзенең хатыны белән танышып китүе турында сөйләгән.
Журналист көнләшү турында сорагач, Диләрә: «Көнләшмәскә мөмкин түгел, чөнки, көнләшмәсәң, яратмыйсың кебек», – дигән.
Рифат Зарипов исә: «Диләрә миңа көнләшергә сәбәп бирми. Аңа кадәр мин күп кызлар белән очраштым. Диләрә безнең төркемдә бии башлаганда, мин башка кыз белән очраша идем», – дигән.
Рифат йөргән кызына нәрсә бүләк итүе хакында Диләрә белән киңәшләшкән. Әмма бераздан ул үзе аңа гашыйк була.
«Диләрә – миңа әни кебек киңәшче», – дигән Рифат.