Анклав дегеніміз - бір мемлекеттік әкімшілік-аумақтық шекарасынан тыс орналасқан, оқшауланған - өзге мемлекеттердің шекаралық әкімшілік-аумағымен қоршалған бөлігі.
Уикипедия сайтында анклав ұғымына былай түсінік берілген -Анклав (фр. enclave; лат. inclavatus — «құлыптау») — барлық жағынан басқа мемлекеттің немесе мемлекеттердің аумағының қоршауында қалған мемлекет территориясының бір бөлігі. Мысалы, Сан-Марино мемлекетін Италия, Лесотоны Оңтүcтік Африка Республикасы, сондай-ақ Өзбекстанның Шахимардан және Сох қалаларын Қырғыз жері қоршап жатыр. Егер анклавтың теңізге шығар жолы болса, онда ол жартылай анклав деп аталады.
Яғни, анклав дегеніміз - бір мемлекеттік өзінің әкімшілік аумағынан тысқары орналасқан өзге мемлекеттік әкімшілік аумағымен қоршалған әкімшілік аймағы.
Осындай аумақтар Қырғызстан Республикасында бірнеше. Олар Сох, Ворух, Шахимардан, Чон-гара аймақтары.
Ворух аймағы - Тәжікстанға тиесілі
Сох, Шахимардан, Чон-гара аймақтары - Өзбекстанға тиесілі.
Сох, Ворух, Шахимардан, Чон-гара аймақтары - Қырғыз Республикасының Баткен облысының әкімшілік аумағымен тұйықталған.
Сох ауданы - 99 % тәжіктер қоныстанған - Өзбекстанның құрамында.
Ворух ауылы - Тәжікстанның құрамында. 2014, 2021 жылы Ворух ауылы үшін Қырғызстан мен Тәжікстан арасында қарулы қақтығыс болды.
Шахимардан ауылы - Өзбекстанға тиесілі.
КСРО тарағаннан кейін Қырғыз тарапы анклавтарды Қырғызстан қарамағына ауыстыру туралы ұсыныс тастаған болатын. Өзбекстан тарапы мәселені ашық түрде қалдырса, Тәжікстан тарапы келіссөз жүргізуден бас тартты.
Сурет ғаламтордан алынды