Ĕнер çĕрле Пушкăртстанра 112 Система центрне Караидель районĕнчи Седяш-Нагаево ялĕ çумĕнчи юхан шывăн тепĕр енче, вăрманта, ултă çын путса ларнă пирки хыпар çитнĕ. Вĕсен хушшинче 8 çулхи ача пулнă.
Ведомствăн пресс-служби пĕлтернĕ тăрăх, Пушкăртстан Республикин Инкеклĕ лару-тăру патшалăх комитечĕн хăтаруçисем инкек пулнă вырăна васкавлă тухса кайнă. Анчах та çул çÿревçĕсене ырă кăмăллă иртен-çÿрен çын пулăшма ĕлкĕрнĕ. Вăл вĕсен автомобильне Кушкуль ялне çити сĕтĕрсе кайнă.
Маларах «Башинформ» ачисемпе пĕрле çула тухнă хĕрарăмăн машини те çул-йĕр тыткăнне лекни çинчен пĕлтернĕччĕ. Ун чухне Магнитогорск хулинче пурăнакан хĕрарăм ачисемпе пĕрле Абзелил районĕнчи Даутово ялне кăмпана килнĕ пулнă. Килне кайма тухсан çемье автомобилĕ пылчăк ăшне путса ларнă.