Бәбиләрнең генә түгел, әбиләрнең дә күңелен яулаган Марат Яруллин социаль челтәрдәге сәхифәсенә сәер видео куйган.
Видеода күренгәнчә, җырчы Бауман урамыннан самокатта бара, үзе белән кабартылган 5 этне дә «иярткән». Аннары ул этләре белән кафега кергән, аларга су да китерткән.
«Эт ярар… Кабартылган хатын була күрмәсен», – дип, Ильмира Нәгыймова комментаторларны «кыздырып» алырга булган.
«Ешрак кайткала», – дип җавап язган аңа Марат Яруллин.
Бу диалог күп кешенең, иҗатташ дусларының да кәефен күтәргән.
«Миңа да шундый этләр кирәк, ашарга сорамыйлар», «Сәер», – дигән комментарийлар да бар.