«Халкыбызның яратып тыңлаган җырларының берсе – «Саубуллашу». Бөек җырчыларыбыз җырлаган җырларны башкару – аеруча зур җаваплылык. Минем башкаруда да сезнең күңелегезгә хуш килсә, мин бик бәхетле булачакмын», – дип язган яшь җырчы Гөлназ Асаева социаль челтәрдәге сәхифәсендә.
«Саубуллашу» җырының авторлары – Шәрига Таһирова һәм Илгиз Закиров.
«Бик матур җырлыйсыз, җаныкаем. Уңышлар сиңа!»;
«Татарча аңламыйм, әмма җырдан һәм тавышыгыздан каз тәне чыкты»;
«Илгиз Закировка шәп бүләк ясагансыз. Искиткеч җыр, искиткеч башкару. Илгиз Закиров кебек җиренә җиткереп баянда уйнаган кеше дә күргәнем юк. Сезгә, җаен табып, ул баянда уйнап, сезгә җырларга кирәк», – дип комментарийлар калдырганнар Гөлназ башкаруындагы «Саубуллашу» җырын тыңлаучылар.