НТВ телеканалының танылган алып баручысы Лера Кудрявцева «Комсомольская правда» радиосы эфирында үзенең шәхси тормышы, 90нчы елларда бай ир-ат белән яшәве турында сөйләгән.
«Ул маньяк булды. Мин анда кияүдә булмадым. Бу – Мәскәүдә бандитлар заманы, көнаралаш урамда атышлар булып торган 90нчы еллар иде. Мин куркудан аның белән берни дә эшли алмадым», – дип сөйләгән Лера үзен мыскыл итеп торган бай ир-ат турында.
Лера сөйләгәнчә, бу ир-ат аңа маньякларча гашыйк булган.
«Ул шизофреник иде, хәзер кайдадыр Франциядә яши», – дип ачыклык керткән Лера Кудрявцева.
Лера әйткәнчә, бу – аның тормышында берничә елга сузылган тәмуг була.
«Ул минем телефоннарымны тыңлады, минем арттан сакчылар йөрде... Мин тын да ала алмый идем. Бөтен дусларым, әти-әнием, апа изелеп яшәде», – дигән ул.
Лера бу ир-атның күп акчасы һәм зур мөмкинлекләре булганын да әйткән. Башта бу ир Лерага бөтен нәрсәне биргән, тик соңыннан бар нәрсәсен дә тартып алган.
«Иң мөһиме – ул минем нерв системамны юкка чыгарды. «Мин сине яратмыйм, җибәр мине», – дип әйткәнем булды. Ә ул: «Яки минем белән яшисең, яки мине сине күмеп куям», – дип җавап бирде. Мин качтым, тик сакчылар мине тотып, кире алып килә иде. Мин бу кеше белән мәҗбүри яшәдем...» – дип, борчулары хакында сөйләгән Лера Кудрявцева