Найти в Дзене
Интертат
192 подписчика

Блогер Диана Сәфәрованың улы Сәид: «Ә безнең әниебез күкләрдә…»

1
1 мин
Әнвәр Нургалиев юл фаҗигасендә һәлак булган туганы, блогер Диана Сәфәрованың улы Сәидне күрсәтте. Әнвәр Нургалиевның хатыны Иринаның машинасында кечкенә Сәид Әнвәр абыйсының да берзаман «үсеп җитеп», картаячагы, ә аннары күкләргә менеп китәчәге турында сөйләнеп бара. «Әлегә күкләргә теләмибез, Сәид. Иртәрәк. Әнвәр абыең озак итеп яшәсен әле, җырласын», – ди аңа Ирина апасы. «Әйе. Безгә әле яшәргә дә яшәргә, яшәргә дә яшәргә. Ә безнең әниебез инде күкләрдә», – дип моңсулана Сәид... «Дусларым, бу видеоны куймыйча булдыра алмадым. Тормыш иптәшем балаларны Эмилиянең туган көненә алып барып кайтты, аларга бик ошаган. Сәиднең тормыш турындагы уйланулары, фикерләү сәләте таң калдыра. 20 тапкыр караганмындыр, йөрәгем әрни. Миңа 50 яшьтә дә әти-әнисез авыр… Ә монда – сабыйлар», – дип яза ул. 32 яшьлек популяр блогер Диана Сәфәрова 9 май төнендә Башкортстанда юл һәлакәтенә очрап һәлак булды. Аның 3 кечкенә баласы ятим калды. Әлеге аварияне китереп чыгаруда шикләнелүче ир-ат моңа кадәр өй арестын

Әнвәр Нургалиев юл фаҗигасендә һәлак булган туганы, блогер Диана Сәфәрованың улы Сәидне күрсәтте.

Әнвәр Нургалиевның хатыны Иринаның машинасында кечкенә Сәид Әнвәр абыйсының да берзаман «үсеп җитеп», картаячагы, ә аннары күкләргә менеп китәчәге турында сөйләнеп бара.

«Әлегә күкләргә теләмибез, Сәид. Иртәрәк. Әнвәр абыең озак итеп яшәсен әле, җырласын», – ди аңа Ирина апасы.

«Әйе. Безгә әле яшәргә дә яшәргә, яшәргә дә яшәргә. Ә безнең әниебез инде күкләрдә», – дип моңсулана Сәид...

«Дусларым, бу видеоны куймыйча булдыра алмадым. Тормыш иптәшем балаларны Эмилиянең туган көненә алып барып кайтты, аларга бик ошаган. Сәиднең тормыш турындагы уйланулары, фикерләү сәләте таң калдыра. 20 тапкыр караганмындыр, йөрәгем әрни. Миңа 50 яшьтә дә әти-әнисез авыр… Ә монда – сабыйлар», – дип яза ул.

32 яшьлек популяр блогер Диана Сәфәрова 9 май төнендә Башкортстанда юл һәлакәтенә очрап һәлак булды. Аның 3 кечкенә баласы ятим калды. Әлеге аварияне китереп чыгаруда шикләнелүче ир-ат моңа кадәр өй арестында булды. Шушы көннәрдә эш судка тапшырылды.

  • Әнвәр Нургалиевның туганы Диана Сәфәрова һәлак булган авария эшен судка тапшырдылар

Әнвәр Нургалиев сүзләренчә, Диананың үлемендә гаепләнүче кеше мәрхүмәнең якыннарыннан әлегәчә гафу үтенмәгән.

«23 октябрь көнне суд булачак. Җинаятьче (Вадим) үзенең беренче күрсәтмәләреннән баш тартып, 2 адвокат яллаган. Инде дүртенче ай әнисенең пирожкиларында яши (өй арестында). Үзен бик ярата, алга таба да эчкән килеш урамнар буйлап машинада җилдерәсе киләдер.

Әлеге 4 ай эчендә аның һәм туганнарының бер генә тапкыр да гафу үтенеп, кайгы уртаклашып шалтыратканнары булмады.

Диананың исемен пычратучылар, Аллаһтан куркыгыз, экспертиза аның яклы. Чишмә суды нинди карар чыгарыр, көтәбез (авариядән соң суд гаепле кеше ягына таба борылды, аны төрмәгә япмыйча, өй аресты билгеләделәр). Без максималка булуын теләмәгән идек. Әмма җинаятьче, үз гаебен танымыйча, намуссыз тактикага күчкән икән – без дә ахырга кадәр барачакбыз. Судның гадел карарына өметләнәбез», – дип сөйләгән ул.

  • Диана Сәфәрованы гаепләүче блогерларга аның яклаучысы: «Намусыгыз кайчан уяныр икән?»
  • Блогер Диана Сәфәрова үлгән аварияне китереп чыгаруда шикләнелүчегә арест вакыты озайтыла
  • Әнвәр Нургалиев блогер Диана Сәфәрованың әнисе һәм балалары белән авылга кайтып килгән