⚡️⚡️⚡️ Əlhəmdulillah, əlamətdar bir irəliləyişlə 1826-28-ci illərdə İrana sığınan sonuncu Quba xanı Şeyx Əli xanın nəsli və övladları haqqında eksklüziv məlumatı paylaşıram!
⚡️ Səyahətimiz bizi Şeyx Əli xanın övladlarının alqı-satqısını təfərrüatlandıran əhəmiyyətli bir sənədə apardı. Bu əvəzsiz tarixi sənədi Harvard Kitabxanasının arxivində aşkar etdim. ⚡️ Belə ki, sənəddə Qaraçorlu ailəsi ilə Quba xanlarının ailəsi arasında İranın Zəncan şəhəri yaxınlığındakı Ənzər Tarom kəndinin satılması prosesi yer alıb. Qaraçorlu ailəsini bu razılıqda, Mərhum Hüseynqulu xan Qaraçorlunun övladları Kərbəlayi Mehdiqulu, Həzrətqulu bəy və bacıları Şah-Nisə xanım iştirak edib. Quba xanlarının ailəsini isə Şeyx Əli xanın nəvəsi - Fəth Əli xan təmsil edib, hansı ki, onun atası Sultan Əhmədxan 1853-cü ildə Qacar İranında vəfat etmişdir.
Qaraçorlular məşhur bir türk nəslidir, hansı ki, araşdırmalarıma əsasən müəyyən etdim ki, bu nəslin nümayəndəsi Nəcəf Sultan Qaraçorlu hicri 1148-ci ildən Nadir şah Əfşar tərəfindən qarşıdakı 5 il ərzində (yəni 1736-1741-ci illərdə) Dərbəndin hakimi təyin olunmuşdur. Hətta ehtimal edirəm ki, Quba xanları və Qaraçorlular məhz həmin dövrdən əlaqədə olmuşlar.
Sənədi analiz edərkən belə məlum olur ki, Quba xanlarının övladları bu kəndi, çayları və dağları, əkin sahələri və bütün məhəllələri (döngələri) ilə tamamilə almışlar. ⚡️ Alqı-satqı sənədinin tarixi hicri 1267-ci ilin rəbi əl-sani ayının 1-i, yəni miladi 2 aprel 1851-ci ildir. Beləliklə, bu fakt sayəsində mən keçmişdə yazdığım paylaşımlardakı məlumatları təsdiq etmiş oluram. Doğurdan da, Şeyx Əli xanın övladları onun ölümündən sonra Dağıstanı tərk etmiş və İrana getmişlər. Hər iki fakt sənədlə sübut edildi!
ℹ️ Qeyd edim ki, sənəd çox keyfiyyətli şəkildə, HD formada məndə var və tanış olmaq istəyənlər @QubaKhanateBot-a yaza bilərlər.
🔅 Şeyx Əli xanın övladlarının taleyi və irsinə işıq salmaqla tarixin bu maraqlı fəslini daha dərindən araşdırarkən kanala dəstəyinizi davam etdirin! Anons edim ki, mən artıq bu kənddən olan və hazırda orada yaşayan bir çox şəxslə görüşüb, danışmışam və İnşallah, üfüqdə daha da maraqlı yeni açıqlamalar olacaq!
#ŞeyxƏliXan | Əlaqə Bot-u | Dzen & Telegram @QubaKhanate ☑️