XV ғасырдың аяғында басталған ұлы географиялық ашылулар - адамдарға жер шарының жаңа кеңістігін ашып бергені даусыз. Еуропалық ұлы географиялық ашылулардың басында португалдықтар мен испандықтардың тұруы жәйдан-жәй емес. Бірақ бұл португалдықтар мен испандықтардың ұлы географиялық ашылуларға дайындалғанында емес. Тіпті бұл үрдіске Құдай осы халықтарды таңдап алды - деп айтқанымызда жөнде болмас. Жәй ғана ұлы географиялық ашылуларға - аталмыш халықтардың ұлт болып қалыптасу үрдісі тұспа-тұс келді десек дұрыс айтқанымыз болар. Түрік-османдықтардықтардың Константинополь қаласын жаулап алып, еуропалықтарға шығысқа барар керуен жолдарын жауып тастауы, жаңа жолдарды іздеуді қажеттілігін туындатты. Бұл кезде Пиреней түбегінде араб және бербер халықтарына бағытталған азат ету қозғалысы жүріп жатқан болатын. 1479 жылы Пиреней түбегінде Испания корольдігі құрылды. Пиреней түбегінде 1139 жылы құрылған Португалия корольдігі XIV ғасырда бастап, өзіне жақын орналасқан аралдарға бақылау орнатқан болатын. Осы екі халықтардың Еуропаның батысында орналасуы құрлықтың жағынан Франция корольдігімен жасасатын саудаға тәуелді етті.
Осман империясының аумағымен еркін қозғалған араб саудагерлері Иран тіпті Үндістан базарларымен саудаласты. Араб саудагерлерінің теңіз жолдары арқылы жеткізген тауарлары еуропалықтарды қызықтырды. Еуропалықтар шығыстың сауда жолдарымен сонау "Қасиетті жер" саналған Палестинаға бағытталған крест жорығы кезінен таныс еді. Бірақ ХІІІ ғасырда мұсылмандардың Палестинадан крест тағушыларды қуып шығуымен Еуропалықтар бұл жерден айырылып қалған болатын. Еуропалықтар шығыстың яғни Азияның сауда базарларына шығуға мүдделі болды. Оларға арабтар таратқан Үндістанның базарлары жәйлі әңгімелер өте зор әсер етті десек қателеспегеніміз болар. Осы әңгіменің негізінде еуропалықтар Үндістанның базарына шығуға асықты. Бірақ түрік-османдықтар еуропалықтардың Үндістанға құрлықтық жолмен шығуына бөгет болды. Тіпті осман сұлтандары еуропалықтардың Парсы мемлекетімен сауда жасасуына қарсы болып, шектеу қойды.
Осы мәселені шешу үшін Португал және Испан корольдері Үндістанға су жолдарымен шығу үшін әскери экспедиция жасақтай бастады. Әрине оларға жер - дөңгелек, шар тәріздес деген түсінік көмектесті. Яғни, батысқа қарай жүзсек - шығыс елдеріне жетеміз деген логикалық сенім болды. Олар, Еуропаның батысында Америка құрлығының барын білмеді. 1492 жылы Испания корольдігінің қаржылай көмегімен саяхатқа шыққан Х. Колумб экспедициясы Америка құрлығының шығыс жағына жетті. Бірақ Х. Колумб жаңа жеткен жерін Үндістанның шығыс бөлігі деп жергілікті халыққа үнді атауына ұқсас үндіс атауын берді. Еуропалықтар Үндістанға жолды тек 1502 жылы португалдық Васко да Гама экспедициясымен тапты.
Ұлы географиялық ашылулар Еуропалықтар түрік-османдықтардың экономикалық бұғауынан құтқарып, жаңа кеңістікті ашуға көмектескенімен - ашылған жерлердің халқын құлдыққа түсірді.
