«Үги әнине күрәлмадым» – Азнакай блогеры әнисенең үлеме, сихер белән мавыгуын сөйләде

Азнакайда яшәүче блогер Альбинуш – Альбина Харисова («Инстатарки» аккаунты аша танылган иде), үзе белән якыннанрак таныштыру максатыннан, туры эфир үткәрде. Бу видеосында ул чын күңелен ачып салуы турында әйтә.

«Үзем турында сөйлисем килә. Мин Альбина. Мин шәһәрдә тудым. Мин бик бай гаиләдә үстем. Безнең 3 машинабыз, 3 гаражыбыз, бик зур фатирыбыз бар иде. Әти-әнием миңа мин теләгән бөтен нәрсәне бирде. Болар бөтенесе әни үлгәнче булды. Мин әниемне югалттым. Миңа 10 яшь иде. Бу көнне мин гомерлеккә истә калдырдым. Һәр мизгелне хәтерлим. Аның миңа кул болгавы истә. Икенче катта, тәрәзә янында басып торганда, ул миңа кул изәде. Аны «ашыгыч ярдәм» машинасында алып киттеләр.

Аңа тычкан бизгәге эләккән иде. Аны чистартканда, аның йөрәге түзмәгән, ул шуңа үлде.

Мин 6 яшьлек энем белән әнисез калдым. Без башта 3-4 ай әти белән элеккечә яшәдек. Аннары әтинең бизнеста проблемалары башланды. Безнең тормыш аска таба тәгәрәде.

Минем үги әнием барлыкка килде. Бик әйбәт үги ана. Бик әйбәт ана, ул миңа әниемне алыштырды. Алыштырды, дип әйтмәс идем, үз әниеңне беркем дә алыштыра алмый. Ул безгә килде. Ул – минем дустым. Ул – миңа юл күрсәтүче. Ул миңа ул вакытта кирәк булган бөтен әйберне бирде, әмма мин ул вакытта моның кадерен аңламаганмын. Мин аны күрәлмадым. Мин аны яратмадым. Мин аннан теләсә нинди юл белән котылырга теләдем. Әйе, мин – шундый хәшәрәт. Мин аннан котылырга теләдем.

Бала-чагалык та бар иде. Карталар, «мадам» чакыру, кан да булды. Бала-чага уеннары. 10-11 яшь иде миңа. Минем аны кабул итәсем килмәде. Мин аны әле күптән түгел генә кабул иттем. Дус буларак, юл күрсәтүче буларак. Миңа кирәкле бөтен нәрсәне биргән кеше итеп кабул иттем. Мин аңа рәхмәтле, минем тормышымда булган һәм хәзер янымдагы һәркемгә рәхмәтле», – дип сөйләде ул 66 меңнән күбрәк булган язылучыларына.

• «Инстатарки»: «Татар телен һәм блогингын гадиләштерергә кирәк»
• Татар блогерлары Дубайга күченергә җыена: чынлап та китәләрме, әллә коткы таратумы?
• Азнакай блогеры Альбина Харисова: «Илүсәләрне балага узу сөенече белән котламадым»