2014 жылы парламенттік сайлаумен билікке келген әсіре ұлтшылдық бағыттағы Үндістанның "Бхарата джаната партиясы" ("Үнді халықтық партиясы") бір партиялық үкімет құрып, өз жағына халықтың көп бөлігін тарта алды. Көп жыл бойы өкімет билігін өз қолында ұстап тұрған Үнді Ұлттық Конгресі біртіндеп өзінің ықпалынан айырылып, өңірлік аймақтарда да билікті "Бхарата джаната партиясына" берді. Ел ішіндегі тазалық науқанынан бастап, экономикалық өрлеуді осы партиямен байланыстыратын толқындар легі қалыптасты. Қазіргі кезде үкімет төрағасы Нарендро Модидің танымалдылығы жоғары. Осы танымалдылық негізінде "Бхарата джаната" партиясы өзін тарихта қалдырып, ағылшындар қалдырып кеткен отаршылдық India атауын Bharata атауымен ауыстырмақ. Бхарата атауы ежелгі діни мәтіндерде Үндістан атауымен пара-пар. Біздің Қазақ - Алаш деген секілді. Бірақ Үнді қоғамында діни түсінік жоғары тұратындығын айта кету керек. Бұл барлығының не көпшіліктің әсіресе Үндістандағы хинди халқының көңілінен шығуы мүмкін. Хиндустан деп атаса да болады. Бірақ бұл атауды Ұлы Моғолдар кезімен яғни мұсылмандардың үстем болған кезімен байланыстыратындар бар. Әсіресе Бхарата джаната партиясының қатарында. Бұл бастама Үндістанда негізгі халық болып табылатын үнді халқының өзін негіздеуіне бағытталған саясат болуы мүмкін. Оны тарихи әділдік депте көрсетуі мүмкін. Тарихи сананың өзгерісі де болуы мүмкін. Тіпті Бхарата Джаната партиясының қарсыластарын биліктен ысырып, өзінің саяси билігін ұзақ мерзімге орнықтыруға бағытталған әрекеті де болуы да мүмкін. Жалпы Үндістанның Ресми атауы Бхарата деп ауысуына бағытталған науқан басталып кетті. Елдің атауы ауысуыда ғажап емес. Уақыт көрсетеді. Нарендро Моди партиясы елдің санасын өзгерте ала ма жоқ па? Себебі, бұл бастама отарсыздануға бағытталған қадам ретінде көрсетіліп жатыр. Әзірше, Үндістан Жоғарғы Сотында, парламенттінде айтыс-тартыстар жүріп жатыр.
