Алып баручы Нияз Рахман хастаханәгә эләккән һәм операция ясаткан.
«Инде хастаханәдәге өченче көнем. Беренче уколлар иртәнге 6да. Бүген үзем йөри башладым. Ашый башларга ярый, диделәр. УЗИга барып килдем, хәлләр тернәкләнүгә таба. Тиздән чыгарачакларына өметләнәм.
1нче шәһәр үзәк клиник хастаханәсендә искиткеч табиблар һәм хезмәткәрләр эшли. Ярдәмегез өчен зур рәхмәт белдерәм. 3 ел эченә икенче тапкыр хастаханәгә ятарга туры килде. Башка киләсе булмас, дигән өметтә калам. Барыгызга да сәламәтлек телим», – дип яза Нияз сторисларында.
