Россия Эчке эшләр министрлыгының Балтач районы буенча бүлегенең Дәүләт автоинспекциясе бүлекчәсе дәүләт инспекторы Раниф Галимбәков һәм «Юл хәрәкәте иминлеге» учреждениесенең Балтач бүлекчәсе башлыгы Лилия Һадиева район электр челтәре хезмәткәрләре белән очрашкан.
Район электр челтәре хезмәткәрләре белән очрашуның максаты юл-транспорт һәлакәтләрен һәм балалар юл-транспорт травматизмын профилактикалау һәм законнардагы үзгәрешләр белән таныштыру иде, ди Лилия ханым.
Хезмәткәрләр шулай ук юл хәрәкәте кагыйдәләре буенча имтихан тапшырган. Җиңүчеләр кыйммәтле призлар белән бүләкләнгән.
