⚡️⚡️ ÖZƏL MƏLUMAT
⭐️ 1817-ci ildə İvan Dobrovolskinin "Asiya musiqisi jurnalı"nda çap olunmuş "Dərbəndli Fətəli xanın mahnısı", ilk dəfə nota alınmış Azərbaycan xalq mahnısıdır.
Düşünürük ki, mahnının meydana gəlməsi, XVIII-əsrin ikinci yarısına, yəni Fəth Əli xanın Dərbəndi xanlığa birləşdirməsi dövrünə təsadüf edir. Jurnalda çap olunmuş "Dərbəndli Fətəli xanın mahnısı"ndan savayı bütün not yazıları fortepianoda çalmaq üçün köçürülüb və həm orijinal, həm də rus dilinə tərcümə olunmuş mahnı mətnləri ilə bərabər verilmişdir. Bu mahnının fərqi isə, onun kamera ansamblının ifasında, yəni kvartet tərkibində (iki skripka, fleyta və iri tambur üçün) qeydə alınmasıdır.
22 avqust, 2023 - Buxarest Milli Musiqi Universitetinin çox hörmətli musiqi müəllimləri mahnının orijinal və həyəcanverici ifasını təmin etmək üçün öz təcrübələrini bizimlə bölüşüblər. Onların not quruluşunun müəyyən edilməsi və mahnının ilkin ifasında göstərdikləri münasibət və fədakarləq bu əziz musiqi irsinin qiymətini daha da zənginləşdirmişdir. “Dərbəndli Fətəli xanın mahnısı”nın qarşıdan gələn təqdimatı onun təcəssüm etdirdiyi irsə dərin ehtiram vəd edir. Hər iki tərəfdən bacarıq və perspektivlərin birləşməsi mədəni mübadilənin mahiyyətini əks etdirir.
15 yanvar, 2025 - Hörmətli abunəçilər! Bu gün bir xəbər gördük. Bakıda görkəmli Rumıniya bəstəkarı və musiqiçisi Corce Enesku yad olunub. Binəqədi rayonunda onun adını daşıyan park və gözəl heykəli varmış. Bu günki məsələ nədədir... bu xəbəri eşidib sanki yadımıza düşdü ki, bir məsələ barəsində uzun müddətdir məlumat vermirik. Xəbər verdiyimiz kimi (https://t.me/QubaKhanate/326), Azərbaycanın nota alınmış ilk xalq mahnısı - "Dərbəndli Fətəli xanın mahnısı"nı ilk olaraq biz Rumıniyada olan musiqi xadimlərinə göstərdik (https://t.me/QubaKhanate/341), hətta ilkin versiyanı dinlədik. Amma, onların məsləhəti ilə, notları hiss etmək və azərbaycanlı kimi yenidən bəstələmək üçün Bakıda, ən istedadlı bəstəkarlara göstərmək üçün çalışdıq. Bu yazı ilə vurğulamaq istəyirik ki, biz o işi unutmamışıq, proses davam edir, yerli musiqi xadimləri ilə əlaqədəyik. İnşallah, qismət olsa, əsəri dinləyə bilsək, yenidən mədəniyyətimizə qaytara bilsək, bu böyük tarixi hadisə olardı. Son olaraq qeyd edək ki, Azərbaycan musiqi icmasında bu tapıntı böyük sürpriz və sevinclə qarşılanıb.
Telegram-da "Quba Xanlığı" səhifəsinə abunə olmaq üçün linkə klik et.