🇸🇱
****
Шоирман.Қаламим қўлимда Ватан,
Юрагимда Ватан,кўнглимда Ватан.
Илҳом бахш этару дилдан ғам кетар,
Жудаям кўркамда сўлимда Ватан.
Тарихнинг бир куни минг китоб бўлар,
Синчиклаб ўргансанг ундан кўп бўлар,
Охири нурафшон бир офтоб бўлар
Бахтиёрлик берар йўлимда Ватан.
Яхши таъссурот бор завқ ҳаяжон бор,
Шукуҳли кун бордир шараф ва шон бор,
Мустаҳкам эътиқод метин имон бор,
Ишончли қўлларда,элимда Ватан.
Ойбарчин ҳаёси қизларимда бор,
Табассум мамнунлик,юзларимда бор,
Алпомиш бизлардан бўлди миннатдор,
Бордир шойи белбоғ белимда Ватан.
Дунёда чиройли бой тилдир Ўзбек,
Миллион юлдузли ой тилдир Ўзбек,
Мана мен Ўзбекман,ўғилдир Ўзбек,
Навоий каломи тилимда Ватан.
Амир Темир бобом буюк саркарда,
Юриб ўтгандайдир қилдай лангарда,
Ғолиб бўлиб ҳеч ҳам тушмас тиллардан
Қудрати эдида билимда Ватан.
Достон ёзар бўлсам кетаман жўшиб,
Юргандай бўламан осмонда учиб,
Муҳаббат туйғусин қўяман қўшиб,
Ҳар битта бобида,бўлимда Ватан.
Гўзал кўринади менга ҳамма ёқ,
Даштда қўй боқаман қўлимда таёқ.
Меҳрибонлик бордай бордай иштиёқ,
Хатто гул ўсади чўлимда Ватан.
Сотиб олинмайди пулга чет элдан,
Юртни суйиш ҳисси кетмайди дилдан,
Бизга етиб келди аср,минг йилдан,
Мендан кейин қолар ўғлимда Ватан.
Юрти йўқ кишилар бетайин дайди,
Уларни билмадим кимга ўхшайди,
Бизларда ҳеч қачон бундай бўлмайди,
Вафо бор ўнгимда,сўлимда Ватан.
Эртаси порлоғим эй шон қучарим,
Эй гўзал диёрим гулга ўхшарим,
Набирам пойига бахтни тўшарим,
Жаннатдай бўлиб юр ўнгимда Ватан.
Авлодлар шонингни кўтарар ҳали,
Будир деб бобом ва момом иқболи,
Бешак ишонаман порлоқдир йўли,
Бўлмасин буниси сўнгимда-Ватан.
Мадҳиянг айтилар ҳар куни тонгда,
Чин дилдан юракдан қувноқ оҳангда,
Сенинг қадринг қолиб кетмайди чангда,
Яшайди нурафшон кунимда Ватан.
Улуғларнинг изи юрагимда бор,
Кучи ва қудрати билагимда бор,
Дуолари сўзи тилагимда бор,
Улардир тенгқурим,тенгимда Ватан.
Дориламон кунга бошлаб борасан,
Дадил-илдам қадам ташлаб борасан
Дунё аҳлин дилин хушлаб борасан
Ҳаёлимда эмас,чинимда Ватан.
Муқаддассан мудом азиз бўл ҳар дам,
Азизлигинг қадринг мен учун байрам,
Кийганман биламан,қилади бардам,
Широқ чўпон тўни эгнимда Ватан.
Жалоллидин бобом тенгсиз қаҳрамон,
Юртимда айланиб юрибди ҳамон,
Унинг юрган йўли эрур гул-чаман,
Кўрай деб паст сойга эндимда Ватан.
Буюк ишлар қилай олқишласин эл,
Қувонч келтирайин қувноқ бўлсин дил,
Ўтса ҳам етмиш йил,тўқсон ва юз йил,
Бўлмасин чарчадим,тиндимда Ватан.
Тараққиёт юксак режалар юксак,
Кам эрур сен учун муъжиза қурсак,
Муаммо бор бўлса жим қараб турсак,
Бўларкан эгилиб,синдимда Ватан.
Беш қўл баробармас хатолар бўлар,
Беғам ва бош эгмас катталар бўлар,
Порахўр еб тўймас,юрт талар бўлар,
Шафқат қилмай охир,енгдимда Ватан.
Оппоғим дер экан қўнғиз боласин,
Юмшоғим дер экан кирпи боласин,
Шоирман сенга бир айтай деб таҳсин,
Илҳом деган отга миндимда Ватан.
Киндик қоним томган тўпроғим азиз,
Бобожон яратган гул боғим азиз,
Момом суйган райҳон,япроғим азиз,
Бўлсин қучоғинга сингдимда Ватан.
Онажоним меҳри боқийдир-боқий,
Нурини сочади қуёшжон саҳий,
Яхшилик шаробин қуяди соқий,
Дунёнинг чиройи синглимда Ватан.
Қанча меҳр берсам етади меҳрим,
Ёзилмай қолмайди ёзилар шеърим,
Ҳали айтилмаган ажойиб сирим,
Сенга етиб борар,гулимда Ватан.
Гулзорни кезади гўзал капалак,
Қанотин ўпади минг битта малак,
Жаннатга бағринга очади йўлак,
Кўнглимда муҳаббат лим-лимда Ватан.
Ажиб туйғуларга ошна бўлса дил,
Бахт унга талпиниб келар астойдил.
Ҳеч ким демас унга уни-буни қил,
Не қилсам сен учун қилдимда Ватан.
Баҳор келса сенга айтар шон-шараф,
Маҳзунлик сен учун экандир сароб,
Шукур минг ардоқга бўлдим мушарраф,
Бахшиликни бошга илдимда Ватан.
Эгамберди,Абрай эрур чин бобом,
Ижодий ишлари бўлур бардавом,
Боқийдир менингда,куйларим навом,
Қадр топтирай деб елдимда Ватан.
Дунёларга арзир дунёсан ўзинг,
Минг йилни қаритган навосан ўзинг,
Нурли кунга бошлар дуосан ўзинг,
Жаннатим ўзингсан билдимда Ватан.
Шоирман,қаламим қўлимда Ватан.
Ажойиб ҳислар бор кўнглимда Ватан.
Ўзбекистон дея ардоқлаб суйдим
Шодлик дурин терай йўлимда Ватан.