Озғурмагин,эй роҳингдан Қодир Худо,
Ютуб борар ўз домига ташвишларим.
Тавба қилмай шул жонимдин этма жудо,
Кечир,ё Рабб кўпдир гуноҳ қилмишларим.
Дунё десам,бунда келиб нафсим ғолиб,
Жисмимга гар қул бўлсам мен руҳим қолиб,
Маҳшар шаби тургайман му елкам солиб,
Сирот узра осон қилгил юрмишларим.
Мезонига тош босмаскан мулким,зарим,
Илгимда ҳеч савобим йўқ,кўнглим ярим,
Айро кетса ҳатто мендан қалб гавҳарим,
Надоматга солгон мани турмушларим.
Жонга оро кирмас эмуш ўғил-қизинг,
Ҳар қилмишдин гувоҳ ўтгач босган изинг,
Раҳм этмаса ёришмаскан қаро юзинг,
Анда осон қилгил ўзинг сўрмишларим.
Адашганман,осий қулинг,тим қораман,
Икки дунё ўртасида оввораман,
Илҳақ туриб бул кун сенга ёлвораман,
Ё Жабборим ўнг қўлдан бер битмишларим.
Бунда давлат,мартабам йўқ,кошонам йўқ,
Жон сақлашга ҳатто ғариб ошёнам йўқ,
Пок этгувчи ёзуқларим,
пешонам йўқ,
Оташ сори тортиб борар ютмишларим.
Тушов бўлиб етаклаган молим қани,
Силжимоққа ҳатто етмас ҳолим мани,
Билмам нечук битилгандир қолим Ғани,
Сенга аён қай томонга кетмишларим.
Либосим йўқ,луч танамни қандоқ ўрай,
Аросатда қолсам, йўлим кимдан сўрай,
Хаста бўлғон иймонимни қандоқ қўрай,
Ёлғуз сендан,бунда эмди кутмишларим.
Лаҳзалик бу ҳаётим деб вайрон дилим,
Қилмишимга лойиқ бўлгай обу-гилим,
Ҳар балога йўлиқтирган асли тилим,
Жаҳаннамга пешвоз қилган миш-мишларим.
Абгор қулман,умидим бор паноҳингдан,
Шавқат этсанг,кечсанг шояд гуноҳимдан,
Ошиқ дейди,руҳим мерос илоҳимдан,
Изнингсиз ҳеч битмас асло юмушларим.
04/07/3023й.
