Абдулло САПАЙЕВ
Хабарингиз бор, жуда кўп саёҳат қиламан, бўш вақтим бўлди дегунча саёҳатга чиқиб кетаман, кўплаб давлатларда одамларни, жамиятни кузатиб бораман, ўзига хос тарзда ривожланган жамиятлардаги яшаш тарзи, муаммолари ва ўша муаммоларга қандай ечим топиши ҳақидаги ғояларни қизиқиш билан ўрганаман.
Бугун япон жамиятидаги зўравонлик ва унинг ечими деб қаралган кўнгил ижарачилари, фоҳишабозлик ҳақида баъзи нарсаларни ўргандим, шу ҳақида сизларга қисқача маълумот бериб ўтаман.
Японлар жуда ҳам меҳнаткаш халқ, улар ўз ишларига шу даражада бор вужудлари билан киришадиларки, ҳар бир ишни мукаммал қилишга ҳаракат қилишади, хатолар устида қайта-қайта ишлашади, умуман ишга бўлган меҳр жуда бошқача шаклланган.
Япон жамиятида асосий муаммолардан бири ёлғизлик, булар ўзига жуфт топиш, учрашиб юриш, ўзига хос тарздаги “свидания”лар камроқ учрайди. Энди шу нарсалар йўқ бўлгач уларни ўрнини босадиган кўнгил ижарачилари ишлайди. Ҳар ҳолда мен уларни шундай номлаб қўя қолдим. 😅
Мен ҳозир сизга биз учун сал ғалати бўлган хизматлар ҳақида айтиб бераман.
Масалан, сизнинг оилангиз йўқ, лекин гоҳ-гоҳида кечки пайт ишдан келганингизда сизни ҳам хотингиз кутиб олишини, ширин маззали таомлар тайёрлашини, биргаликда овқатланиб бўлиб сериал томоша қилишни хоҳлаб қоласиз, шунда сиз ана шундай хизматларга телефон қилиб ўзингизга бир кунлик турмуш ўртоқ танлайсиз.
Сиз уларга барча талабларингизни айтасиз, масалан, сиз уйга келгач пайпоғингизни ечиб қўйишидан тортиб сериал томоша қилаётганда бошини қайси елкангизга қўйишигача айтишингиз мумкин.
Хуллас, бир кунга хотин ижарага оласиз, фақат жинсий алоқа йўқ, улар сизга оилавий ҳаёт иллюзиясини яратиб беради, ҳатто турмуш ўртоқни жанжалкашини ҳам танлашингиз мумкин.
Ёки сиз одамлар билан дўстлаша олмайсиз, яқин дўстингиз йўқ, битта дўстингиз бўлса-ю, ичиб олиб ҳамма дардингизни унга тўкиб солсангиз, мана шунақа яқин дўст хизматларини таклиф қиладиган компаниялар бор, уларда махсус сертификатга эга дўстлар бор.
Умуман олганда сиз қанақадир бир кўнгилни ижарага олиб турасиз, унга дардларингизни тўкиб соласиз, у сизни эшитади, юпатади, мотивация беради ва сиз яна енгил қуш бўлиб ишчан ҳолатингизга қайтасиз.
Бундан ташқари қонуний фоҳишахоналар ҳам жуда ривожланган, ҳа, майли бу ҳақида кейинги постларимда батафсил ёзаман ёки 👉 инстаграмда видео қилайми? 😉
@bektoshkhatamov