☆ ☆ ☆
Ҳузуримдан бепарводай кетманг мағрур, шаҳдам ӯтиб,
Ӯйламангки, умидимни олгай гумон буткул ютиб,
Йӯлларингиз тӯсадурман қӯлингиздан маҳкам тутиб,
Ҳайроналар айлагайман,
Афсоналар айлагайман!
Аччиқ-аччиқ сӯзингизга қалқон ҳазил-шакарларим,
Дилингизда барглар ёзсин ишқдан топган самарларим,
Ҳаёт бӯйин олиб келсин мулкингизга саҳарларим,
Тароналар айлагайман,
Афсоналар айлагайман.
Узун-узун кечаларда ӯртар, қийнар
аччиқ фироқ,
Узун-узун кечангизни ёритсин Ишқ-ӯчмас чироқ,
Шу чироққа ишонтириб, шу оловга қилиб муштоқ,
Парвоналар айлагайман,
Афсоналар айлагайман.
Қатлимгами яратгандай бу соч, қош, кӯз--қоп-қорани,
Тенгингиз йӯқ:кездим жажжи Иторчи* ном сайёрани,
Эл ичида сиздай санам, яна Вали бечорани
Фасоналар айлагайман,
Девоналар айлагайман!
---------------
*Иторчи-- аждодларим, отам, онам, яқинларим руҳи кезиб юрган , изи қолган, қиндик қоним томган ер юзининг энг гӯзал
гӯшаси.
♧ ♧ ♧
Болагинам, келдингми?--деб онамдайин кутмас кун,
Аччиқ учак мисолия, чӯзилдику, ӯтмас кун,
Бу дунёнинг ташвишлари,оғриқлари битмас кун,
Оғриқсизлар орасинда қандай, қайтиб яшайман,
Мирзо Парда "Малаксан"ин* айтиб-айтиб яшайман.
Бугун ҳамма доно, билгич, бирорта нодоно йӯқ,
Қорни тӯйса шул кун байрам, яшашида маъно йӯқ,
Кийиниши ялтир-юлтир, юрагида зиё йӯқ,
Зиёсиз бу ёруғ кунда, айтинг, қайтиб яшайман?
Мирзо Парда "Малаксан"ин айтиб-айтиб яшайман.
Биров "шӯрлик қӯшним" демас, фақат "ӯзим, ӯзим"лар,
Шоирларнинг ҳаммаси зӯр! "Энг зӯр меним сӯзим"лар,
Китобхонлик? Телефонни ӯқир ӯғлим, қизимлар!
Маърифатсиз каслар аро, айтинг; қайтиб яшайман?
Мирзо Парда "Малаксан"ин айтиб-айтиб яшайман.
Ё Худоё, неки сӯрсам, доим акси келади,
Кеча калиш сӯрагандим, қаранг, махси келади,
Вали ёмон, ёмон, энди зора яхши келади,
Бошим оғриб, юрак санчиб, ёниб, дайдиб яшайман,
Мирзо Парда " Малаксан"ин айтиб- айтиб яшайман:
" Малаксан, ё башарсан, ё ҳуру ғулмонсан, билиб бӯлмас!"
--Бу каж дуннинг савдоси деб юракдан айрилиб бӯлмас!
12.09.2022 й.
---------------------------------------------------
* Мирза Пардаев-- ҳамқишлоғим, Тожикистонда хизмат кӯрсатган артист(оллоҳ раҳматига олган бӯлсин).Унинг Машраб ғазали, Холхӯжа Тӯхтасинов мусиқаси асосида куйлаган "Айрилиб бӯлмас" ашуласи назарда тутилган.
ТАНДИРДАН УЗИЛГАН ТӮРТЛИКЛАР
♡ ♡ ♡
Наҳотки кӯнглимда тӯлқинлар тинди?
Қайиғим адашиб, эшкагим синди.
Қисматни қоралаб то сӯнги нафас---
Соғинчни қучоқлаб яшайман энди!
25.08.2022 й.
♡ ♡ ♡
Тушимга кирасан ҳар тун бостириб,
Қаҳратон музлисан, қайноқ ёз туриб.
Бу қандай кор ахир, ӯлдира қолгин--
Қаҳр ном энг баланд дорга остириб!
25.08.2022 й.
Əziz dostlar,özbək xalqının böyük və məşhur şairi Abduvali Beymuhammadin bir neçə dördlüyünü tərcüməmdə sizə təqdim edirəm.
Dördlüklər
Özbəkəm-bilin ki,məğruram,mərdəm.
Bu yerdən gözəl yer tapmaram bir dəm!
Ölsəm,diriltməz ki,Məsih nəfəsi,
Özbəkcə söz dinlər,dirilərəm həm!
———- ———
Bəxtin də qanadlı bir quş kimidir,
Onu öz ömründən ata bilməzsən!
Çalış buraxma sən bəxti əlindən
Buraxsan,qaytarıb tuta bilməzsən!
——- ————
Süründüm,dartındım,yıxıldım,durdum!
Mən oldum məqsədə,mərama çatan!
Tapdım,inandım ki,o da yalanmış,
Doğulmaq,ölməkdən başqası yalan!
——- ———-
Demə ki,əzilib bəxti qarayam,
Çarəsiz dərdinə çarə araram!
Yaxşılıq əməlim,bil ki,ey dostum,
Özüm qanad açıb,uçub taparam!
——- ———-
Anacan,dərdimi kimə açaram?!
Atacan,mən sənsiz tamam naçaram!
O sizli həyatım kədərə döndü,
Mən sizi itirdim,özüm yaşaram!
Müəllif:Abduvali Beymuhammad
Çevri: İmran Güllübulaqlı.
21.08.2021.
Озодбек Назарбеков мен ёқтирган соҳир овоз соҳибларидан.Бир ғазалимни миллатпарвар шу йигитга бағишладим. Бу ғазалимни
шоир дӯстим Содиқ Ҳожимурод тожик тилига таржима қилибди.Ӯқиб баҳолаш сизлардан, азизларим!
♡ ♡ ♡
(Озодбек Назарбековга)
Ӯлмасликка, табибо, не чора, чора, чора?--
Деб излайман бу ҳолга мани бечора чора.
Ишқ аталмиш гулханда гуриллаб ён, ёну ён,
Бу йӯлда эт юракни минг пора, пора, пора.
Умид тулпорини мин, олдинга уч, олдинга,
Йигитнинг сӯзи эмас "эҳтимол", "балки", "зора".
Отанг--Каъбатуллоҳинг, онанг--Макканг, Маъдинанг,
Улар дуосидандир бароринг бора, бора.
Имонинг пок, бутундир--демак ӯзбек-муслимсан,
Имонсизнинг бетига чаплансин қора, қора.
Ватанга жонфидолар валийлару озодлар,
Ватан ишқи дардинга бӯлғуси чора,чора!
♡ ♡ ♡
( ба Озодбек Назарбеков)
Барои ҷовидонӣ, аё табиб, чӣ чора?--
Гӯён хулоса ҷустам аз маънии ибора.
Ба оташи муҳаббат худро чунон бисӯзон-к,
То қалби ишқбозон шавад ҳазор пора.
Аспи умед--бо ту, тозон мудом бар пеш,
Ба мард менабезад ваҳму ҳаросу зора.
Модар мисоли Макка, падар чу Каъбатуллоҳ,
Дуои неки онон савоби бешумора .
Касе, ки соҳиб имон, комилан аст муслим,
Ба дӯши беимонон шайтон з-азал савора.
Оташнавою ҷонсӯз озоду валиёнанд,
Ишқи ватан бидори, бидон, ки дори чора!
Аз забони ӯзбекӣ тарҷумаи Содиқ Ҳоҷимурод.
Т Ӯ Р Т Л И К Л А Р
♧ ♧ ♧
Юрагим поралар бу ҳол гоҳ:"Қани?"
Кӯкимда порлаган тӯлин моҳ қани?
Давосиз дард экан жудолик, билдим,
Кириб кетмоқчиман, айтинг, чоҳ қани?!
4.08.2022 й.
♧ ♧ ♧
Оймомо, кӯр, ёниб жоним келдилар,
Жонимга жон бӯлгич хоним келдилар.
Фараҳдан болу пар чиқардим. Энди--
Парвозда ӯтажак оним! Келдилар!
5. 08.2022 й.
Озарбойжонлик шоир дӯстимиз Имрон Қосимовнинг бир гӯзал шеърини ӯзбек тилига ӯгиришга Гулзира Шарипова билан ҳаракат қилдик.Ӯқиб баҳо бериш сиздан, азизлар..
Ayrı düşərsə
Sazımız məhv olar,aşıqlar olmaz,
Mizrabı telindən ayrı düşərsə!
Gözəl vəsf edilməz,aşiqlər olmaz
Yarağı telindən ayrı düşərsə!
Saralar yiyəsiz bağçası,bağı,
Küsər,üz döndərər dərəsi,dağı,
Çəkilər sinəyə hicranın dağı,
Ellər öz elindən ayrı düşərsə!
Aşiq gələ bilməz sevgisigilə.
Xanəndə sevilməz,ha qalxsa zilə!
Bülbül həsrət qalar çiçəyə,gülə,
Nəğməsi dilindən ayrı düşərsə!
Oxumaq sizdəndi,yazmağı məndən,
Düşmən çıxmalıdı gözəl Vətəndən!
İgid qisas almaz qarı düşməndən
Qılıncı belindən ayrı düşərsə!
Şairin varlığı şeirdi,şeir.
Hər yazılan şeir gətirməz xeyir!
Şairlər yaşamır,bil,İmran deyir,
Qələmi əlindən ayrı düşərsə!
İmran Güllübulaqlı
01.08.2022.
ЖУДО БӮЛМАСА
Созлар маҳв этилмас, ошиқлар ӯлмас,
Мизроб* сим--тилидан жудо бӯлмаса.
Сӯзлар васф этилгай, ошиқлар ӯлмас,
Юрак дард--тилидан жудо бӯлмаса.
Қӯшларнинг инисиз боғчаси, боғи,
Ранжиб юз ӯгирмас дараси, тоғи,
Чизилмас сийнага ҳижроннинг доғи,
Эллар ӯз элидан жудо бӯлмаса.
Ошиқлар киролмас севгисиз дилга,
Хонанда севилмас етмай кӯнгилга,
Булбул ҳасрат қилар чечакка, гулга,
Қӯшиғи тилидан жудо бӯлмаса.
Ӯқимоқ сиздандир, ёзмоқлик мандан,
Хоинлар чиқмайди гӯзал Ватандан!
Йигит қасос олмас қари душмандан,
Қиличи белидан жудо бӯлмаса.
Шоирнинг бисоти фақат шеърдир, шеър,
Ҳар ёзилган шеър ҳам келтирмас хайр* !
Шоирлар ӯлмайди!-- буни Имрон дер,
Қалами қӯлидан жудо бӯлмаса!
------------------------------
*мизроб--- созандалар бармоқ учига кийиб, соз торини тебратадиган нарса;
*хайр--бу ерда яхшилик маъносида.
Озарбойжон тилидан ӯзбек тилига Гулзира Шарипова, Абдували Бекмуҳаммад ӯгирди.
Имран Гуллибулағли.
Başqadı
Həyat kitabına yazılır hər gün,
Kitabın başlığı,adı başqadı!
Bil,səni izləyir dost da,düşmən də,
Hər kəsin sirdaşı,yadı başqadı!
Tanrımız veribdi insana ömür,
Talelər başqadı,qismət başqadı!
Yaxşı da,yaman da köçüb gedəndi,
Hərədə xasiyyət,ismət başqadı!
Hər insan özünə həkim olmalı,
Sağlamlıq başqadı,azar başqadı!
Adamlar yaşayır öz dünyasını,
Səmamız birdisə,məzar başqadı!
Adam var talayır belədən-belə,
Sarayı doludu,pulu başqadı!
Adam var sürünür hey ömrü boyu,
Həyatın ağası,qulu başqadı!
Ağılsız hərəkət eyləsə insan,
Başına gələcək qəza başqadı!
Hər kəs bilməlidi,anlamalıdı
Allahın verdiyi cəza başqadı!
İmran Güllübulaqlı
24.07.2022. Quba.
БОШҚАДИР
Ҳаёт китобида ҳар ӯтар кунинг,
Муаллифи бошқа, оти бошқадир Сени изламоқда дӯст ҳам, душман ҳам,
Ҳари кимнинг сирдоши, ёди бошқадир.
Тангримиз инсонга берибди умр,
Толеъси бошқадир, қисмати бошқа.
Яхши ҳам, ёмон ҳам кетганда, ундан--
Қолган ҳосияти, исмати бошқа.
Ҳар инсон ӯзига ҳоким саналур,
Соғлиғи бошқадир, озори бошқа.
Одамлар яшайди ӯз дунёсида
Самоси бир ва лек мазори бошқа!
Одам бор талаюр билиб- билмасдан,
Саройи тӯлаю ва пули бошқа.
Одам бор сурунур умр бӯйиси,
Ҳаётин оғаси ва қӯли бошқа.
Ақлсиз ҳаракат айласа инсон
Бошига келажак қазоси бошқа.
Нега англамади, нега билмади,
Аллоҳнинг бергани сазоси бошқа!
Озарбойжон тилидан Абдували
Бекмуҳаммад таржимаси.
Т Ӯ Р Т Л И К Л А Р
* * *
Дер эдинг:" Мен сизсиз яшайман қайтиб?*",
Не топдим раҳмнинг отида қайтиб?
Энди мен яшайман видо қӯшиғин--
Омонат жонимга майдалаб айтиб!
21.07.2022 й.
* * *
Ичимда бир нима узилиб кетди,
Вужудим биноси бузилиб кетди.
Шунчалар қийинми дока румолнинг--
Қуриши? Чӯзилиб... чӯзилиб кетди!
21.07.2022 й.
--------------------------------
*-- қандай қилиб (шева)
Т Ӯ Р Т Л И К Л А Р
* * *
Сен ярим, мен ярим, наҳот бутунмиз?
Ёлғон гулханида нимхуш ӯтинмиз.
Гуриллаб ёнмоқлик этмади насиб,
Кӯзларни ачитган аччиқ тутунмиз.
19.07.2022 й.
* * *
Айтмоқчи сӯзларим кӯпу кӯп сенга,
Бойлигинг "майли"дир, қалқон " хӯп" сенга.
Ёниб, куйишимга мукофот--Армон,
Териси қалиним, суфу суф сенга!
19.07.2022 й.
Т Ӯ Р Т Л И К Л А Р
* * *
Орзум ниҳолларин чопа олмайман,
Чорлайман, дарагинг топа олмайман.
Нур бӯлиб умримга кирасан бир кун,
Умид эшигини ёпа олмайман!
13.04. 2022 й.
* * *
Бир дединг, иккининг навбати ахир,
Шод кунинг кечанинг шарбати ахир.
Сабабсиз ҳеч нима келмас дунёга---
Ютуғинг меҳнатинг неъмати ахир!
19.04. 2022 й.
* * *
Гоҳ суяк, гоҳида этдамиз, жоним,
Гоҳ ӯзда, гоҳида четдамиз, жоним.
Севги ӯлмас экан-- топганимиз шу,
Ҳайрият, оҳ, бугун биттамиз, жоним!
12.07.2022 й.
♡ ♡ ♡
Деманг гулдан либос, гул суврат,гул узор гӯзал,
Бӯйи райҳондек кӯнгилга завқ берар изҳор гӯзал.
Истагимга юрмагай гоҳ сабрим синар бӯлгаймикан,
Нозу истиғнонгми бу, дилга хуш инкор гӯзал!
"Мен фалонийга кетарман, яхши қол!"-ҳазлим менинг,
"Кетсангиз, қайтманг!"- зарофатли жавоб зинҳор гӯзал!
Ишқ уйин тарҳин чизар нозик диду санъат билан,
Ҳам мусаввир, ҳам муҳаррир, нуктасанж меъмор гӯзал!
Меҳримдан бӯй олди Гул гузоримда яйраб чунон,
Гулни деб Гулми ва ё Гулга гул хуштор гӯзал?!
Ишқ йӯлин тутдинг, Валий, сабринг ила, аҳдинг ила,
Энди кӯнглинг соҳиби гул юзли шу гулкор гӯзал!
Воҳ, гӯзаллик ӯлчамимга тушди шул соддагинам,
Шул гӯзалдир, шул гузалдир, шул яна такрор гӯзал!
24.08.2021 й.
* * *
ВАҚТ-- имкондир.ҒАФЛАТ имконни
Олиб қочар айёр тулкидир.
БУГУНини қӯлдан берганлар
ЭРТА учун тайёр кулгудир.
24.12.2021 й.
БИР ЖУФТ ТӮРТЛИК
* * *
Эшигимни қоқмагин умид,
Кӯчиб кетдим бундан бутунлай.
Бурда-бурда бӯлган ишончни--
Қандай қилиб энди бутунлай?!
9.12.2022 й.
* * *
Бир-бировга на аччиқ сӯз,
На ширин сӯз айтмас бӯлиб,
Фурсат яқин, кетаяпмиз,
Жоним қуши, қайтмас бӯлиб!
9.12.2022 й.
НАВОИЙ ҒАЗАЛИГА МУХАММАС
Қадрсиздир жездай кӯнгил тортмаса гар дурдона ҳам,
Кӯнглими исми эрур сӯзона ҳам, гирёна ҳам,
Гулга ӯт изҳорларим ошкора ҳам, пинхона ҳам,
Ишқ ила бӯлдим масал, савдо била афсона ҳам,
Шукрилиллоҳким, яна ошиқмену девона ҳам.
Умид ила ӯстирганим боғимда гул бегонаваш,
Гулни қуршабдир, қаранглар, оҳ бунча мӯл бегонаваш,
Учмоққа кӯк, юрай десам юрмоққа йӯл бегонаваш,
То унутди ошинолиғ расмини ул бегонаваш,
Ошино йиғлар менинг ҳолим кӯриб, бегона ҳам.
Бахт қӯлимдан тутгаймикин юракдан ғамим ӯчуб?
Дардларига ошноманми бепарво камим ӯчуб?
Сӯниб-сӯниб бородурман бадандан намим ӯчуб,
Ғам туни мендурмен шу ашкдан шамъим ӯчуб,
Бошима емрулғали турмиш бузуғ кошона ҳам.
Ортга боқсанг минг марталаб, олдга ҳам минг карра боқ,
Ортимизда армон бӯзлар, олдда чорлар марра боқ,
Қошу қабоқ орасинда турар ажал-арра боқ,
Элга меҳринг бор, бузуғ кӯнглимга ҳам бир зарра боқ,
Ким қуёшнинг тобидин маҳрум эмас вайрона ҳам.
Сӯзларим кӯнглим бисоти, ёлғонга йӯйдирмаким,
Соҳта изҳор, соҳта иқрор... " соҳта"га тӯйдирмаким,
Эл ичинда булҳавас деб уятга қӯйдирмаким,
Эй малоҳат шамъи, ҳар соат мени куйдирмаким,
Кӯп ёрумас шамъ агарчи ӯртанур парвона ҳам.
Ичу кӯзин ӯйдилар-ку, ичи лим-лим дарддир най,
Нола қилар бу қисматга кӯниколмасдан тинмай,
Созлар ичра энг дилжӯйи, юрур мискин, лек синмай,
Йӯқ бу дайр ичра берур жоми ажал таъмини май,
Ким эрур паймона тӯлмоқдин нишон паймона ҳам.
Юрак тӯлди, лол тилимни изҳорларга шай этай,
Кунларимни сӯзингиздин ҳикмат топар пайт этай,
Шул аҳдимни юрагимга ӯйиб-ӯйиб қайд этай:
Эй Навоий, гар десанг, ул турфа қушни сайд этай,
Риштаи жисмингни дом эт, кӯз ёшингни дона ҳам!
5.10.2022 й.
НАВОИЙ ҒАЗАЛИГА МУХАММАС
Тӯкилурман, кӯринмайдур умидимнинг қораси,
Йӯл юрурман яқинлай деб, узоқлашур ораси,
Етмадими юрагинга кӯнглимнинг оҳ-зораси,
Бутмади гулшан тавофи бирла кӯнглим ёраси,
Бермади ӯтумға таскин сарву гул наззораси.
Ташрифин кутдим кӯзимдин уйқу қочиб то саҳар,
Бу азобдин қайтмадим ҳеч, топмадим ҳосил-самар;
Бол умидида эдим, воҳ, тутгани бӯлди заҳар,
Бир замоне сарву, бир дам гулга қилдим кӯп назар,
Бӯлмади ул сарву гулруҳ фурқатининг чораси.
Гулу сарвнинг маскани, билдим, омонат чайламас,
Гулу сарв ҳар жойда ӯсгай? Наҳот жой сайламас?
Мос ҳаво ҳам жой топай деб мард агар бел бойламас,
Гул била сарв истабон гулшан сари майл айламас,
Даштдин ул сарви гулруҳсоранинг оввораси.
Кӯнглим менинг иссиқ, совуқ туйғулар-ла эрур банд,
Йӯлларига тутатурман ҳар куни юз бор сифанд*,
Гулузор парвоси йӯқ ёнмоғим, куймоғим билан,
Қадди ҳажрида ҳар оҳим дуди сарведур баланд,
Юзидин айру гуледур кӯкрагим ҳар пораси.
Ёндирмоқни эплай олдинг, таъзим гӯзал эп учун,
Оқу қизил қоришмаси икки жонбахш себ учун,
Дардларимга ташхис қӯйган ишқ аталмиш тиб учун,
Сарву гул мафтуни бӯлмоким нигори зеб учун,
Синдуриб ҳар дам узар они фалак маккораси.
Камбағалман, ҳеч мурувват кутмам бойдин-моллидин,
Неки келса кӯравергум пешонадин, толеъдин,
Фидомисан, кӯнглим, қолма бехабар ёр ҳолидин,
Сарв ӯқдур, гул тикан, боғ ичра то кӯз оллидин
Борғали ул сарви гулруҳнинг қаду руҳсораси.
Марднамо мӯл, мард сийрак, мард қайтмагай сӯзидин,
Минг йил бӯлсин, чопавергум умидимнинг изидин ,
Ранжимангиз, сиз муршидим, Вали сияҳ рӯзидин:
Эй Навоий, сарву гулдин кечки, қадди юзидин
Бор эмиш юз йилчалик йӯл сарв ила гул ораси!
ТАНДИРДАН УЗИЛГАН ТӮРТЛИКЛАР
♡ ♡ ♡
Наҳотки кӯнглимда тӯлқинлар тинди?
Қайиғим адашиб, эшкагим синди.
Қисматни қоралаб то сӯнги нафас---
Соғинчни қучоқлаб яшайман энди!
25.08.2022 й.
♡ ♡ ♡
Тушимга кирасан ҳар тун бостириб,
Қаҳратон музлисан, қайноқ ёз туриб.
Бу қандай кор ахир, ӯлдира қолгин--
Қаҳр ном энг баланд дорга остириб!
25.08.2022 й.
◇ ◇ ◇
Тун илк бора кӯринди гӯзал
Ва бошимдан тӯкди наволар.
Йӯқ юлдузлар нуридан зарҳал
Севинч берди жонбахш наволар!
Тушимми бу ва ёки ӯнгим,
Фариштадан зиёдасан сен.
Оқ тулпорда мен сенсиз тӯнггум,
Гапир, нечук пиёдасан сен?
Наҳотки мен самовий бӯлсам,
Сенсиз само бир пул эмасми?
Сенда кӯнгил кӯнгилу, эркам,
Бизнинг кӯнгил кӯнгил эмасми?
Тушми, ӯнгми--фарқи йӯқ менга ,
Мен қайнайман, сен ҳам жӯшасан.
Талпинаман соғиниб сенга,
Сен ӯшасан! Ӯша! Ӯшасан!
27.07.2022 й.
Т Ӯ Р Т Л И К Л А Р
* * *
Дер эдинг:" Мен сизсиз яшайман қайтиб?*",
Не топдим раҳмнинг отида қайтиб?
Энди мен яшайман видо қӯшиғин--
Омонат жонимга майдалаб айтиб!
21.07.2022 й.
* * *
Ичимда бир нима узилиб кетди,
Вужудим биноси бузилиб кетди.
Шунчалар қийинми дока румолнинг--
Қуриши? Чӯзилиб... чӯзилиб кетди!
21.07.2022 й.
--------------------------------
*-- қандай қилиб (шева)
Озарбойжонлик шоир дӯстимиз Имрон Қосимовнинг бир гӯзал шеърини ӯзбек тилига ӯгиришга Гулзира Шарипова билан ҳаракат қилдик.Ӯқиб баҳо бериш сиздан, азизлар..
Ayrı düşərsə
Sazımız məhv olar,aşıqlar olmaz,
Mizrabı telindən ayrı düşərsə!
Gözəl vəsf edilməz,aşiqlər olmaz
Yarağı telindən ayrı düşərsə!
Saralar yiyəsiz bağçası,bağı,
Küsər,üz döndərər dərəsi,dağı,
Çəkilər sinəyə hicranın dağı,
Ellər öz elindən ayrı düşərsə!
Aşiq gələ bilməz sevgisigilə.
Xanəndə sevilməz,ha qalxsa zilə!
Bülbül həsrət qalar çiçəyə,gülə,
Nəğməsi dilindən ayrı düşərsə!
Oxumaq sizdəndi,yazmağı məndən,
Düşmən çıxmalıdı gözəl Vətəndən!
İgid qisas almaz qarı düşməndən
Qılıncı belindən ayrı düşərsə!
Şairin varlığı şeirdi,şeir.
Hər yazılan şeir gətirməz xeyir!
Şairlər yaşamır,bil,İmran deyir,
Qələmi əlindən ayrı düşərsə!
İmran Güllübulaqlı
01.08.2022.
ЖУДО БӮЛМАСА
Созлар маҳв этилмас, ошиқлар ӯлмас,
Мизроб* сим--тилидан жудо бӯлмаса.
Сӯзлар васф этилгай, ошиқлар ӯлмас,
Юрак дард--тилидан жудо бӯлмаса.
Қӯшларнинг инисиз боғчаси, боғи,
Ранжиб юз ӯгирмас дараси, тоғи,
Чизилмас сийнага ҳижроннинг доғи,
Эллар ӯз элидан жудо бӯлмаса.
Ошиқлар киролмас севгисиз дилга,
Хонанда севилмас етмай кӯнгилга,
Булбул ҳасрат қилар чечакка, гулга,
Қӯшиғи тилидан жудо бӯлмаса.
Ӯқимоқ сиздандир, ёзмоқлик мандан,
Хоинлар чиқмайди гӯзал Ватандан!
Йигит қасос олмас қари душмандан,
Қиличи белидан жудо бӯлмаса.
Шоирнинг бисоти фақат шеърдир, шеър,
Ҳар ёзилган шеър ҳам келтирмас хайр* !
Шоирлар ӯлмайди!-- буни Имрон дер,
Қалами қӯлидан жудо бӯлмаса!
------------------------------
*мизроб--- созандалар бармоқ учига кийиб, соз торини тебратадиган нарса;
*хайр--бу ерда яхшилик маъносида.
Озарбойжон тилидан ӯзбек тилига Гулзира Шарипова, Абдували Бекмуҳаммад ӯгирди.
Т Ӯ Р Т Л И К Л А Р
* * *
Жоним дер ва лекин жонин аяйди,
Борим дер, қадрсиз онин аяйди.
Севгисиз суратнинг белгисидир шу:
Нуқул похол берар, донин аяйди!
20.07.2022 й.
* * *
Мен кимман? Кел бери, яқинимдан боқ,
Кӯзимда чақнаган чақинимдан боқ.
Нечук чавандоз деб ёзғурмоқни қӯй,
Икки кӯзинг билан тақимимдан боқ!
20.07.2022 й.
☆ ☆ ☆
Кӯнглингнинг чуқур жойин фақат менга бер, санам,
Ӯстирайин ишқ гулин, элга бӯлсин сир,санам.
Меҳримнинг ёмғирлари ёғиб турса тинмайин,
Тӯлиб кетар гулларга қақраб ётган қир, санам.
Шу гуллар ифоридан масту мастона бӯлиб,
Сен бӯлсайдинг нодира, мен бӯлсам нодир, санам.
Орингни тиклай дедим, ӯтмишинг кӯмиб буткул,
Изҳорларим ҳавода, сенга бари бир, санам.
Шунчалар арзонмиди куйишим, ёнишларим,
Ӯйлагандим ишқ ахир ҳар ишга қодир, санам.
Хонишга етмас авжим, ёнишларим ҳавф хатар,
Аввалгидай энди мен тӯколмайман тер, санам.
Мушриклар сиғинишган ҳайкалчалар санамлар,
Билмам, сен қай хил санам, ӯзинг баҳонг бер, санам.
Умидим шаббодаси эсмасмикин қайталаб,
Сенга бахт сари оқ йул, менга қаро ер, санам!
2.02.2022 й.
М Е Н Ӯ Ш А М А Н
Боқишларинг ӯтлар солди юрагимга,
Қанот бергин, ёниб етай тилагимга,
Содиқ қолай сендек тенгсиз малагимга,
Мен ӯшаман!
Гулзоримда гуллар аро раъно гулсан,
Энг хушбӯйим, энг дилхушим, аъло гулсан,
Ҳар бир сӯзи жонга озиқ--маъно Гулсан,
Мен Ӯшаман!
Ӯтга сувни раво кӯрма, паризодим,
Ёнғин аро кечаверсин гул ҳаётим,
Етиб борсин юрагинга ӯт фарёдим:
Мен ӯшаман!
Яратайин бир боғ, номи севги боғи,
Тоғим бор-ей, аталувчи сабр тоғи,
Кӯнглимизга йӯламасин шом чироғи,
Мен ӯшаман!
Излаганим гул юз эмас, кӯнгил эрур,
Орзуларим наҳот пардай енгил эрур?!
Ишонч--оғам,умид эса сингил эрур,
Мен ӯшаман!
Ҳузурингда пайдойингман қайта-қайта,
Изҳорларим тугамайдир айта-айта,
Сенингдек гул ва менингдек шайдо қайда,
Мен Ӯшаман!
26.03.2022 й.
ТӮРТЛИКЛАР
* * *
Гулларга бурканган қир кетди ташлаб,
Иккимизга қиммат сир кетди ташлаб.
Энг оғир, энг қиммат савдо шулдирки,
Ёндирдим, ёндиргич шеър кетди ташлаб!
11.03.2023 й.
* * *
Бир ғунчада бир неча япроқ,
Уларда туйғулар олов ранг, оппоқ.
Ҳусннинг бозори деб ӯйлар кӯплар,
Шуниси аламвор, шуниси чатоқ!
18.03.2023 й.
* * *
Гулга боқсам--гулдир сӯроқ,
Боғдир сӯроқ, чӯлдир сӯроқ.
Ёниб, ӯчиб ӯтаяпман,
Лекин сӯнгги йӯлдир сӯроқ!
19.03.2023 й.
* * *
Оғзингни кичикроқ очгин, эй ӯлим,
Умиднинг уруғин сочгин, эй ӯлим.
Яшашнинг маъносин энди англадим ,
Йӯлимда нима бор, қочгин, эй ӯлим!
19.03.2023 й.
Р А Д Д И Я
Сиз билмайсиз, менга жуда керакдирсиз,
Шаҳло кӯзлар паноҳида кӯзларим-ей.
Орзуйимда барқ урган гул тилакдирсиз,
Сиз томондан келаверар изларим-ей.
Мажнунтолнинг новдасидек эгикмас бош,
Орзунгизга умид берар дилда ишонч
Кӯзингиздан оқаётган қувонч ном ёш,
Оқиб борар сизни излаб висол томон.
Тоғлар каби баланд эрур сизда ғурур,
Ер қизисиз муҳаббатдан кечолмасдан.
Пок қалбимиз қуёшдайин сочади нур,
Ҳайрондирмиз дил тугунин ечолмасдан.
Олқишлайди қушлар бизни қӯшиқ айтиб,
Гуллар дилхуш ифорларин сочмоқдалар.
Қайноқ-қайноқ рост туйғулар яна қайтиб,
Тақдиримиз эшикларин очмоқдалар.
Кетаяпмиз қӯл ушлашиб йӯллар равон,
Юракларга қанот берар соф туйғулар.
Қалбларимиз яйраб бӯйлар бахтга томон,
Уялади, бекинади оч қайғулар!
Ҳамма шодлик бизнинг дедим, ишонинг, ёр ,
Гул фаслида гул туйғуга лиқ тӯлайин.
Ишқ кӯшкига олиб чиқиб сизни, сӯнг бор--
Исмингизни айтиб- айтиб, сӯнг ӯлайин.
22.03.2022 й.
НУРАЛИ ҚОБУЛ шеърига назира
Дардсизлар кӯпчиган бу дунёи дун,
Ким айтар, қайтарз ва қачон яралган?
Одамзод хом лойдир, дунё шу хомни--
Пиширгич шафқатсиз хумдон яралган.
У асли тош эмас, соҳиби дилдир,
Дил тошлар ичинда гирён яралган.
Беш панжа тенг эмас, биров йӯл билгич,
Биров бӯлса йӯлсиз сарсон яралган.
Оқни қоралашга сиғмагай ҳаддим,
Ӯртада инсоф ном қалқон яралган.
Мардбачча шерман деб кӯкракка урмас,
Мардни баҳоларга майдон яралган.
Ерга сиғмаганлар кӯкка талпингай,
Ҳайрият, беғараз осмон яралган.
Бошингни эгмагил, мағрур бӯл, мард бӯл,
Бир дардга минг битта дармон яралган.
Қидирган топгайдир, умидга суян,
Мушкулдан аввалроқ имкон яралган!
Менинг устозим, умрлари зиёда бўлсин.
◇ ◇ ◇
Тун илк бора кӯринди гӯзал
Ва бошимдан тӯкди наволар.
Йӯқ юлудузлар нуридан зарҳал
Севинч берди жонбахш наволар!
Тушимми бу ва ёки ӯнгим,
Фариштадан зиёдасан сен.
Оқ тулпорда мен сенсиз тӯнггум,
Гапир, нечук пиёдасан сен?
Наҳотки мен самовий бӯлсам,
Сенсиз само бир пул эмасми?
Сенда кӯнгил кӯнгилу, эркам,
Бизнинг кӯнгил кӯнгил эмасми?
Тушми, ӯнгми--фарқи йӯқ менга ,
Мен қайнайман, сен ҳам жӯшасан.
Талпинаман соғиниб сенга,
Сен ӯшасан! Ӯша! Ӯшасан!
27.07.2022 й.
Абдували Бекмуҳаммад
Жавоб берсам шеърингизга кўп миш мишга ёр бўламан,
Жим ўтирсам қўрқоқ деган ёт қилмишга ёр бўламан.
Азалдан алп баҳодирлар қўлидадир аёл қадри,
Мен тарихга кўчиб кетиб, Алпомишга ёр бўламан !!!
Гульчехра Бобоева
Алпомишга ёр бӯлсангиз, мен бечора
Куйиб -куйиб аламларда хор бӯламан.
Алпомишлар китобларда қолиб кетган,
Ӯзим сизга қатордаги нор бӯламан.
Ӯшал қайноқ лаззатларни қайдан топай,
Соғинаман, тӯкиламан, зор бӯламан.
Келинг энди яраш-яраш қандай яхши,
Чертинг тинмай, жаранглаган тор бӯламан.
Дунёсидан топган ёлғиз бисотим шу:
Гул чеҳрали паризодга ёр бӯламан!
Абдували Бекмуҳаммад
☆ ☆ ☆
Ӯтиб бӯлмас инкор номли тоғлар таслим,
Юрагимга оғриқ бӯлган доғлар таслим.
Қӯлларимни маҳкам тутсанг, бӯлмагайлар--
Юрагимда гуллаётган боғлар таслим!
26.04.2022 й.
☆ ☆ ☆
Хиёнатдан заҳиранг, о, шунчалар мӯлмиди?
Юрагинг ёлғонларга асир тушган чӯлмиди?.
Бир йӯлда туғилдингми, ӯша йӯлда ӯл асли,
Бир бошланиб иккига жудо бӯлса йӯлмиди?!
29.04.2022 й. 29.04.2022 й.
КАМОЛ ХУЖАНДИЙ ҒАЗАЛИГА МУХАММАС
Гул дейинми, гулбадан, гулзода десам кам эрур,
Бу гӯзалликни кӯриб ҳусн аҳли соҳиб ғам эрур,
Юзларинг--гул, унда терлар гулдаги шабнам эрур,
Мен агар масжидга борсам, шу юзинг қиблам эрур,
Қошларинг меҳроб атарман,чунки ул ҳам хам
эрур.
Юзларингга тоб беролмай кӯкка қочиб кетди моҳ,
Сочларингга тенг бӯлолмай рангда тун тортмоқда оҳ,
Ойнику кӯк асрагай, тун топар қайдан паноҳ?.
Юз билан сочинг ғамида ӯртаниш бӯлса гуноҳ,
Энг гуноҳкорлар гуноҳи бир ӯзимда жам эрур.
Оқибат ғами--азобим, тортадурман ҳар куни,
Бириси шаккар куни ва бириси заҳар куни,
Интизорман келса деб шоядки мушки тар куни,
Ҳар киши бир туҳфа бирла келгуси маҳшар куни ,
Кокилинг, билгил, ӯшанда энг улуғ туфҳам эрур.
Юзларинг--ол, эслатурлар атргул япроғини,
Титрагайман, сезмадингми дилгинам титроғини?
Зору ҳайронман тишлаб ҳайратим бармоғини,
Жаннатим англай юзинг бирла изинг тупроғини,
Гар менинг олдимда жаннат эшиги маҳкам эрур.
.
Деб эдим жон роҳати, чиқдингку жоним офати,
Тоқ бӯлиб борур ахир бечора сабрим тоқати,
Мен ғариб бӯлгим келар ушбу тӯҳтам улфати:
Йӯқ Камол озори деб ханжар суришнинг ҳожати,
Қон тӯкиш йӯлида ғамзанг тиғ каби бардам эрур!
---------------------------------------
Ғазални ӯзбек тилига устоз Ӯлмас Жамол ӯгирганлар
Панжакентлик шоир дӯстим МИРЗО ҲАМДАМ (Азизмуродов) бир неча ғазалимга мухаммас боғлаб менга йӯллабди.Улардан бирини ҳеч қандай ислоҳсиз эътиборингизга ҳавола этмоқдаман.Баҳоламоқ сиздан, азизларим.
АБДУВАЛИ БЕКМУҲАММАД ҒАЗАЛИГА МУХАММАС
Вомиқ Узро келармикин такрор бӯлиб биздан кейин,
Неча ошиқ юргаймикин абгор бӯлиб биздан кейин,
Бахт куларми Аҳриманга ғаддор бӯлиб биздан кейин,
Яшар ишқнинг эртаклари ёдгор бӯлиб биздан кейин,
Мажнуннамо мену, Гулим, лайлинамо сиздан кейин.
Пардасини ёзиб аста ишқ сирини тунлар ёпди,
Мастонамиз ишқ кӯйида, ҳуриб-ҳурмай итлар қопди,
Маломат-ла сийлаб бизни кимлар қӯрқди, кимлар чопди,
Саботимга таҳсин, яна кӯнглингизга йӯлни топдим,
Синовлардан ӯтдим омон "ҳеч қачон", "ҳаргиз"дан кейин.
Мажнун учун Лайли эди икки дунё борликлари,
Ошиқ учун ИШҚ унвондир, керак эмас ёрлиқлари,
Пучак пулга олмайди у олтин танга, бойликларни,
Бу дунёнинг бор қувончи,лаззатлари, шодликлари
Бизлар висол шаробидан сархуш бӯлган кездан кейин.
Олтин ҳамда гавҳарларга асир бӯлган бисотжӯйлар,
Бу ҳолатни фақатгина зару зевар дебон ӯйлар,
Доно йигит четда қолиб,бойваччалар томон бӯйлар,
Муҳаббатни гавҳар десам, лабин бурган парирӯйлар
Саноғимда сепкил босган муҳаббатли қиздан кейин.
Муҳаббатли қизга боққил: у--ор-номус, удир жавҳар,
Удир жаннат мевасию,удир ҳаётингда самар.
Гар ногаҳон,сирдош дӯстим, баҳо бергин деса агар:
Гавҳардир у, гавҳардир у, баҳоси йӯқ асл гавҳар,
Норасолар гапидир бу: " олтин бугун жездан кейин".
Ҳамдам дейди: ишқдан фақат савоб келар,дӯст, яхши бил,
Валибек-ку ӯзлаштирди ишқ илмини то қолу қил,
Ишқ шароби берган самар бӯлгай доим сархил, асил,
Садоқатнинг сӯқмоғидан ӯтмоқдамиз ҳамкор, ҳамдил,
Хушбӯй-хушбуй гуллар ӯнгай биздан қолган издан кейин!
АБДУВАЛИ БЕКМУҲАММАД ҒАЗАЛИГА МУХАММАС
Чиқди аттор дуконидин, ифор мадҳин битиб борар,
Хумор кӯзи чорлар хумор, андешалар кет деб борар,
Ишқ мулкига шу ҳолатда ошиқ, айтинг, нетиб борар?
Гулим бизни ӯтга ташлаб, мағрур, шаҳдам кетиб борар,
Юрагимнинг чокларини алам ситиб, ситиб борар.
Келиб ҳижрон урди ҳайма, мен юрарман хаёл-ӯйда,
Тақдир экан биз дафъатан учрашгандик ахир тӯйда,
Қонлар ютиб юродурман ушбу куйда,
Адо қилди бу айрилиқ, гадо қилди кӯча-кӯйда,
Ким айтади: кунлар табиб, бу жароҳат битиб борар?!
Ӯзга гӯзал,ӯзга гулзор кӯринмайдир, воҳ, кӯзимга,
Ваъда бердим,Гулим эса ишонмайдир бу сӯзимга,
Мастонаман,бӯлсам сархуш, сувлар сепди дӯст юзимга,
Қанча замон ӯтди, ҳануз келолмайман ҳеч ӯзимга,
Ёзуғим не?-деган сӯроқ хаёлимни титиб борар!
Жайрон мисол ҳуркакдир у, эшитмайди сӯроқларим,
Лолаларга ташбеҳ унинг лаби,яна дудоқлари,
Ҳасад ила боқар ҳар тун ойнинг ҳилол-ӯроқлари,
Арзу ҳолим эшитмоққа битганмикин қулоқлари,
Тош кӯнглига нолаларим, билмам, қачон етиб борар?
Ошиқ Ҳамдам ҳолин қани бир бор келиб сӯрасайди,
Жонни бермоқ кӯп оғирдир,
таслим ҳолимни кӯрсайди,
Кокилига қӯшиб қани оғриғимни бир ӯрсайди,
Ҳижрон агар ошиқларга аччиқ қисмат бӯлмасайди,
Ӯзин Лайли, Валисини нечун Мажнун этиб борар?!
МИРЗО ҲАМДАМ
* * *
Кут дейсан, кутмоқдан тешилди кӯзим,
Ӯқ ӯзим, шу ӯққа нишон ҳам ӯзим,
Ӯлмаган жонимга тилайман тӯзим,
Соғиндим. Соғиндим. Соғинмадингми?
Қӯнглимнинг ёзларин ӯғирлади куз,
Яшил эди, қара, сап- сариқдир бӯз,
Мени ишонтиргил, берақолгил сӯз:
"Соғиндим. Соғиндим. Соғинмадингми?!"
Ҳозир учрашдикку, мунча тез дема,
Ҳали ӯчгани йӯқ ӯшал из дема,
Эртага бизларни кутадир нима?
Соғиндим. Соғиндим. Соғинмадингми?!
Гул бӯйинг гул чеҳрам мени маст қилар,
Нозларинг имконим узун даст қилар,
Юрагим чорловни наҳот бас қилар,
Соғиндим. Соғиндим. Соғинмадингми?!
Ҳеч йӯқса тушимда йӯқлаб тур, жоним,
Шубҳани ишончга ӯқлаб тур, жоним,
Соғиниб, тӯкилиб, йиғлаб тур,жоним,
Соғиндим. Соғиндим. Соғинмадингми?!
Ӯзингни ӯққа ур, чӯққа ур, аммо--
Оллоҳ берганидан зиёда бӯлмас.
Раво кӯрса раббим кимни тулпорга
Ҳеч қачон, ҳеч кимса пиёда бӯлмас.
Бундан маъно чиқмас: юлдуз санаб ёт,
Ердадир ризқ рӯзинг, самода бӯлмас.
Меҳр мукофоти меҳрдир асли,
Меҳрибон юраклар афтода бӯлмас.
Куннинг қайноғида салқинлаб ётдинг,
Энди гуноҳ обу ҳавода бӯлмас.
Соҳилда қуриди эккан ниҳолинг,
Эй беғам, айб ҳаргиз дарёда бӯлмас.
Эшшакдан отзода хачир бӯлгандай,
Саҳроники Самум, шаббода бӯлмас.
Минг бир илтижо қил, минг бора ялин,
Йиртқич эзгуликка омода бӯлмас.
Садоқат боғини тарк этмаганлар
Завқзода бӯлғайу,ғамзода бӯлмас.
Меҳрим дархтида шиғил эзгулик,
Валидек бахтга ёр дунёда бӯлмас.
* * *
Шунчалар дилкашсан, дилсӯз шунчалар,
Сӯзинга ҳавасда гуллар ғунчалар.
Тунимда ҳаловаткушдир гумонлар,
Умидим куйини ёлғиз кун чалар.
Оғриғи раҳм этмай еб борар, буни--
Ҳис этмас оғриқсиз унча- мунчалар.
Бир оғиз иқроринг шифолар мени,
Инкордан сарғайиб сӯлар ғунчалар.
Ширин, аччиқ экан ҳаётнинг йӯли,
Йӯл куйин гоҳо кун, гоҳо тун чалар.
Дарди мубталонинг борми давоси,
Тағофилинг нархи қиммат бунчалар!
Ишончга юкинган валийман, шубҳа--
Оҳангин шафқатсиз, шабкӯр Дун чалар!
24.05.2023 й.Абдувалининг бу шеъри ҳам ҳар галгидек мумтозона даражадаги ижод маҳсули. Аруз шаклидаги бармоқ вазнида ёзилган бўлса ҳам. Аслида, тафаккур мумтозона! Бу ҳар бир ижодкорга ҳам насиб этавермайди. Бадиияти ҳам ҳайратлантирса, энди бундай маҳорат соҳибига ҳақиқий мумтозлик муборак бўлсин!
Шеърдаги қофия тизимининг ўзи ҳайратлантириб юборди мени. Беихтиёр "Қойил!" деб юбордим. Қаранг: ғунчалар, кун чалар, мунчалар, ғунчалар, тун чалар, бунчалар, Дун чалар. Мана, маҳорат! Мана, сўз билан ишлашу, шакл ва маъно уйғунлигидаги оҳангдорликни яратиш! Бу бадиий гўзалликдан ҳайратланмай бўладими!
Ҳатто "ғунчалар" шакли қофия ўрнида такрор қўлланганки, гўё иккита бир хил сўз қофиялашгандай. Аслида, бундай эмас. Абдувалидай шоир бу каби нуқсону қусурга йўл қўймайди ҳам. У билади ва сўз имкониятидан маҳорат билан фойдаланади: Биринчи байтдаги "ғунчалар" феъл туркумидаги ясама сўздир, яъни "ғунчаламоқ", тўртинчи байтдаги "ғунчалар" эса от туркумидаги сўз, яъни "ғунча".
Бу каби сўзлар туюқ жанрининг асоси ҳисобланади ва шоирнинг маҳорат даражаси шу билан белгиланади.
Мен Абдувалининг биргина шеъридаги ҳайратланарли биргина жиҳатига эътибор бериб, фикр билдирдим, холос. Бу ҳам тўлиқ эмас.
Хулосам шуки, Абдували Бекмуҳаммаднинг ижоди чуқур ва йирик тадқиқотларга ишончли бадиий манба бўла оладиган шеъриятдир. Зеро, шоирнинг тафаккур қудрати, бадиий савияси ва маҳорати нафақат ўқувчини, балки адабиёт илмини ҳам юксалтиришга қодир! Мумтозона шеъриятнинг кучи шу жиҳати билан улуғдир!
Абдувалига таъзимларим!
Ғафуржон ТОЖИБОЕВ
Тошкент. 2023 йил 24 май.
Дӯстим Мирзо ҲАМДАМдан яна бир ғазалимга тахмис:
Ёвғонни қувай деб мойим алдади,
Ӯнгман деб тунлар чап пойим алдади,
Маконлик қилмай жой-пойим алдади,
Ӯн беш кун беркинди, Ойим алдади,
Тӯсатдан қуриди, сойим алдади.
Тӯкин бӯлар, зор ӯлмас дединг,
Бирор банда хор ӯлмас дединг,
Йӯқчиликка ёр ӯлмас дединг,
Йӯқдан бурун бор ӯлмас дединг,
Мендан олдин ӯлди-- бойим алдади.
Илҳақ бӯлиб келдик нурга-зиёга,
Гоҳо учрадик ҳам росту риёга,
Бошимиз етмади арши аълога,
Ғиркӯк бӯламан деб келди дунёга,
Меҳнатда эзилган тойим алдади.
Тупроққа синчиклаб назарим солдим,
Моҳир кӯзагардай қӯлимга олдим,
Бот-бот айлантирдим, хаёлга толдим,
Қайта- қайта тепдим, ӯтларга солдим.
Нуради кашонам, лойим алдади.
Ихтиёрингда эмасдир қонинг,
Югуриб ӯтмоқда ҳар лаҳза, онинг,
Буни билмайдурур яхши, ёмонинг,
Вой жоним! Эгаси бор экан жоннинг,
Жон кетиб борадур, "вой"им алдади.
Муродга етай деб сочга оқ инмай,
Чархи гардунга боқсамда кӯнмай,
Эгдилар неча бор, омонман синмай,
Уй қурдим, боғ қилдим, югурдим тинмай,
Омонат экан бу жойим алдади.
Валибек севган гул меҳан Иторчи,
Кашоналар берсин Ҳамдам қувончи,
Мухаммасим бӯлсин лойиқ суюнчи,
Умид етаклади боламдай,гарчи‐-
Оҳ, ҳаёт бир эмас, доим алдади!
БИР ЖУФТ ТӮРТЛИК
* * *
Умидга қӯл бердим кӯнгилдан, гарчи--
Муродим ҳосили чӯзилиб кетди.
Орага бир эшшак суқилди,энди--
Умидим иплари узулиб кетди.
27.05.2023 й.
* * *
Дунё-- кемтик ясалган сапол,
Ҳар тӯкисда минг каму кӯстлар.
Эл ичида машҳур шул мақол:
Зоғи бедоғ кӯрмадим, дӯстлар!
28.05.2023 й.
МАВЛОНО ЧУСТИЙ ҒАЗАЛИГА ТАХМИС
Меҳр эксанг бегоналар жигар оҳиста-оҳиста,
Ишонч ғолиб, бӯлур мағлуб хатар оҳиста-оҳиста,
Бу корингдан келур хушбӯй самар оҳиста- оҳиста,
Сабо, ёрим томон айла сафар оҳиста-оҳиста,
Нигорим кӯйига қилгил гузар оҳиста-оҳиста.
Санамимнинг рӯйин эмас, юрагини назорат қил,
Фидоликни бир зум эмас,мӯлу кӯлу бағоят қил,
Гар уйғонса, ёлғон қӯшма, фақат борим ҳикоят қил,
Мулойим эсгилу кошонасин аввал зиёрат қил,
Кириб ноз уйқудан уйғот саҳар оҳиста-оҳиста.
Йӯлингда ҳавф хатар ҳар дам, ки ғужғон, тиғидан сақлан,
Минг ростингга битта ёлғон,ки ёлғон тиғидан сақлан,
Тойиб кетсанг йӯл охири ғам, армон тиғидан сақлан,
Қӯлинг кӯксингга қалқон айла, мижгон тиғидан сақлан,
Ярим уйқу аро қилгай назар оҳиста-оҳиста.
Йӯлларимга кӯз тикканин яширган шӯх нигоримга,
Парвосининг фалаклигин битириб кел изҳоримга,
Кӯзингдан нур ёғиб турсин табассум чоғи зоримга,
Тилингдан бол томиб турсин такаллум чоғи ёримга,
Саломим етказиб бергил хабар оҳиста-оҳиста.
Соғинчимга қориб берган сӯзим айтмоққа журъат қил:
Кӯнгил эшиги боз турсин, мурувватни де: ҳиммат қил,
Вафозизликни арзону, вафо расмини қиммат қил,
Унга минг бор узр айтгил,эшит сӯзини ҳурмат қил,
Нечук у деб сӯрар лабзи шакар оҳиста-оҳиста.
Дегил: кӯнглида соғинчнинг гули, воҳ, дасталанмишдир,
Кӯнгил бозорига киргил, бу гуллар расталанмишдир,
Ишонч тарозидур бунда, ишончи дасталанмишдир,
Дегил ҳижронининг оғусида кӯнгил ҳасталанмишдир,
Бӯлар одатда таъсири заҳар оҳиста-оҳиста.
Дема: завқим жӯшиб кетди гул юздаги мӯл*идан ҳам,
Ҳузур топдим ётоғига олиб борар йӯлидан ҳам,
Ӯтгим келар гир айланиб гоҳ ӯнгидан, гоҳо сӯлидан ҳам,
Юзидан ӯпма, рашким қӯзғолур, ӯпма қӯлидан ҳам,
Вале парвонадек бӯл баҳравар оҳиста-оҳиста.
Гуллаб қӯйиб нафасингдан пушаймонни назр берма,
Имконингнинг йӯлин бӯғиб,мақсадингни асир берма,
Майли урсин, сӯксин, унга ҳеч вақт акс таъсир берма,
Мабода учраса йӯлда рақибим, унга сир берма,
Йӯқолсин бу ародан дардисар оҳиста-оҳиста.
Узр агар баёнимнинг бӯлса бирор каму кӯсти,
Паришонлик ишқ аҳлининг гоҳ душмани, гоҳо дӯсти,
Рост гап: ошиқ Вали муршид сӯзидан бол тотиб ӯсди:
Дегилким, жонидан кечмиш сени деб камтарин Чустий,
Топар у янги жон келсанг агар оҳиста-оҳиста!
2.06.2023 й.