Как известно, основная часть литературного наследия дигорского поэта Блашка Гурджибети, была потеряна. В числе сохранившихся рукописей, была и часть поэмы "Æрдхуæрдтæ" (Побратимы), которая отдельной главой, вошла во второе издание творческого наследия поэта «Дигорон уаджимистæ», составитель Кибиров Амурхан.
Ниже, приведёна эта глава.
"Блашкай финститæ, уæлдæр куд загътан, уотемæй фесавдæнцæ, фал ма Цæгат Иристони наукон-æртасæг Институти архиви финсæги сфæлдистадæй ра-зиндтæй кадæнгæ «Æрдхуæрдтæй» хецæн æскъуддзæгтæ æма комментаритæ. Хъазбегти Хъазбег æма Галати Стъепан Блашкай къохфинститæй ке сфинстонцæ, етæ. Блашка æ кадæнгæ «Æрдхуæрдтæбæл» косун райдæдта 1902 анзи райдайæнæй 1903 анзи кæрони уæнгæ, фал ин æнхæстæй финст нæ фæцæй. Кадæнги сюжет ист æрцудæй фольклорæй. Дууæ æвзонг лæхъуæни Саулæг æма Æфсадæг сæ кæрæдземæн загьтонцæ кæнгæ æнсувæртæ.
Дууемæй дæр бауарзтонцæ йеу кизги — Хорчески. Æрдхуæрдтæ сæ сосæг уарзондзийнадæ не 'сгьæр кодтонцæ сæ кæрæдземæн. Йеу уæхæни Саулæг Хорчески раскъафта гъазтæй. Æфсадæг уой фæдбæл æхе банимадта æфхуæрдбæл æма фæллигьдæй абæрег. Хорческæ ку балæдæрдтæй, Æфсадæг дæр æй ке уарзта, уой, уæд фурхъурдохæнæй фæссæйгæй æма рамардæй. Аци адæмон æмбесонди сюжетмæ гæсгæ фæстæдæр, 1907 анзи, драматург Кочисати Розæ ниффинста дууæнивон драмæ «Зæхх — ме 'вдисæн, хур — мæ комдзог», зæгъгæ. Аци темæбæл ма ниффинста кадæнгæ советон финсæг Плити Грис «Иунæджы кадæг».
Гурджибети Блашкай уадзимис «Æрдхуæрдтæй» ма ци скъудддзæгтæ æма варианттæ байзадæй,уонæй мухур кæнæн йеуæй-йеуети:
«Йеллæгæй хъурмитæ уидта,
Берæ нæ рахаста æ хъурмæ —
Фегон æй хъистгæнгæ дуар,
Æма æрбацудæй дзæгъунмæ,
Æфсæрмæдзаг, Хорческæ салан.
Йеуæй-йеу хатт æхсæви тари
Кæугæ мегъти 'хсæн фæскъæвда
Рохс уотæ 'стулуй арви цари
Дуйней йеунæг цитгин мæйæ,
Æма хуæнхти сæртæн йе'стур бари
Уотæ 'ссодзуй сæ ирд зæйæ —
Куд исрохс кодта мæн зæрди бун
Хорческæ, æрбацæугæй æнæ сум.
Ард хуæрун дин мæ фиди номæй,
Мæхе цард, мæ мæрдти надæй, —
Куд рæсугъддæр кизгæ гьеуомæй
Нæ райгурдæй зæнхон мадæй!
Куд нæма адтæй уæхæн нивгун,
Нæдæр паддзах, нæдæр æлдар,
Кæмæн бакодта æ хъури бун
Йеу хатт уой хузæн æмбал!
Адтæй хуæнхти сæртæн сæ уорс мет
Сау джиккоти æ рохс цæсгон!
Æ дууæ рошеми сауæхшедт
Бæлдатæй бадтæй æнæ'фсон!
Балий нæмгутау — æ цæштитæ
Сау æрфгути даргъ тъæфæлтти
Адтæнцæ уодæн æ дæшнитæ,
Дардтонцæ къехæй лæхъуæнти!
Адтæй йе'взонг реуæн æ бæрзонд
Сос сагъæстæн æнцойадæ!
Æ рацуд, йе'змæлди æ йионг
Кодта цардæн царди адæ!
Йе'гънæг билтæн сæ адгин æзмæлд!
Æ мондаг ронбаст тасæ-уасæй
Уарзтæн хастонцæ æ ивулд
Арфдæр зæрдæмæ сæ асæй!..
Байгон æй мæ зæрдæн æ дуар,
Байцудæй Хорческæ æфшинæй,
Уарзтæн бапмæхаста æ лæвар
'Ма исрохс æй æ чийнæй.
Дзагьтон: некæд æма нечи хъаурæ
Не стондзæнæй æй мæ зæрдæй;
Рæхгидæр зæнхæн æз мæ хъаура;
Æфсони ратдзæнæн мæ мæрдæй...
Æрбацудæй, райдæдта желун,
Фицуй рæхисбæл æхсæвæр...
Тухсуй мæ уод, цæуй æ неун...
Игъосун мæ зæрдæн æз æ гъæр...
Фун уинæгау, мæ уæди бæнттæ,
Саулæг, нур дæр ма имисун.
Æдзохæй ба мæ цæсти дæнттæ
Калун, имисгæй æз мæ рун…
* * *
Чи рун, чи? Йеу дæр дин Хорческæ
Уарзтæй нæ райста дæ мондаг
Æма 'й сау гъæдæмæ жин ресгæ
Райстай фæрæзнæн дæ фæндаг?
Йеудæр, фæлмæн метау, æ тæфæй
Ду мин батадтæ æгадæн
«Ма фæккалдтай сугтæ æртæхæй,
Кæнунмæ ходун ду адæм?
Уæд никкæлæ, зæнхæ, мæ буни,
Рæдудæй кæд нсдæн æдули,
Йеу искæнгæй æ хæццæ æз мæ сæр!
Ард куд бахуардтон читгинæй
Ами дæ хæццæ æмсæрæй,
Кæд йеу кижги сæрбæл ходгинæй
Ду нивæн исдæ æ фæхъау!
Уæд мæнгард, Æфсадæг, дæу æрдиги --
Æз мæ сомибæл фæлхæтун.
Рандæ уо, фесæфæ Кæсæги,
Агорæ уоми ду дæ рун!
Нурæй æндæмæ ди тоггинæй
Æз фæди фæдмæ æртæсун.
Нæ фиццаг исæмбамдп топгинæй
Мах бавзарджиан нæ хуæцун!»
Æ дзурдти фæште нæ Саулæг
Ниууадзун мæрæ ку гъавуй,
Уæд æ коргæ цъухæй Æфсадæг
Къуар дзурдемæ ма уорамуй:
—Табуафши, табу, ме 'рдхуард,
Цæмæн мин кæнис жин тæрхон...
Идарддæр мухургонд цæунцæ кадæнги хецæн строфати аллихузæн варианттæ:
Разагъта уотæ ма рæхги, тузмæгæй
Мæрæй гъæдæмæ æ фæндаг
Гъавуй аразун, фал æцæгæй
Уæд уорамуй æй йе'рдхуард.
—Рæуæг тæрхон мин маст идзагæй,
Гъай, гъай, Саулæг, ду ма кæнæ...
Аци рæнгъитæн ма йес æндæр вариант дæр:
Уотæ еуæй-еу хатт цурд лæгæй —
Æ уод æ къохи — фæццæф арс
Фæлледзуй, фæттурнуй тузмæгæй
'Ма фæййагоруй æ цъæх ханс,
Куд фæххадта æхе нæ Саулæг
Æ дзурдти фæште и мæрæй
'Ма куд ниййарудта æ гъæрæй
Гъæдæ, хæсгæй имæ æ гъулæг.
* * *
Хъал фиййаутæ сæ зар, сæ хатæнтæй
Салам кодтонцæ и сæумæн,
Æма дууæ æрдхуарди сæ хæтæнтæй
Федуд бæлстæнцæ сæ гъæуæн...
* * *
Ка ши ниннеуидæ, ка никкæуидæ,
Ка ниййамонидæ æвастæй,
Ка никъкъæр-къæр кæнидæ, ниссум уидæ,—
Сос арудтонцæ цъæхахстæй...
* * *
Кæмæн хаста Чечен, Хъумухъи
Сæ кард хæсти мæгуйрадæ.
Æппæлагæ уод сæ хъурухъи
Кæмæн ирдта бони радæ.
Ка не 'ртаста зæронд, æвзонги
Сæ балæбурди нивондæн;
Никкалд тог ка худта сæ доги
Æнхæстгæнæг амондæн...
* * *
Фæсæхсæвæр шин раеудагъ æй
Уонæн уæларт сæ дзубанди,
Æфсадæг, фæсмонгонд æ цардæй,
Æримиста йе 'рвади.
* * *
Æма иссеруй мæнæн мæ фæнди
Бууат æхецæн хуарз æгъдау...
* * *
Гъеуæд мæ мадæн æ билти 'змæлд,
Æ гъар гъæбес æма æ рæвдуд,
Рæвдауæгæй ба ма æ уарзон дзурд
Имисунмæ мин мæ рæдуд...
* * *
Æ дзурдти тухæ мин æноши,
Æнæнцойнæ дзæнгæрæгау,
Æфтауй бонвуддæр мæ гъоши
Æ рамарди кой æнæ'вгъау...
* * *
Æрлæуунцæ мæ фалæмбулай,
Со уорс хъæппæлтæ дзæгъ-дзæгъæй,
Æма райдайунцæ радугай
Уæд, корæгау ихæс, фæрсун...
'Ма хуæнхти сæртæн сæ уорс мет
Æ рохсæй рохсдæр бадаруй...
* * *
Куд бабухсдзæнæй мæ сау цæсгом
Адгин цъух æма æзмæлд билтæй
Зæгъун федуд зæрдæн æ тæрхон,
Йеу бæрæг кæд дæн мæ миутæй.
* * *
— Оххай, — загъта фæттарст хъурæй,
Содзгæдзурдæй, тагъд æ радн, —
Мæрдти йсчи уод чн мæгур æй,
Ка не 'сæхсæдуй æ нади...
* * *
Ке фæлласуицæ сæ рæхистæй
Сау æвдеутæ жиндонæмæ?!
Зæгъун, ме'фстау æнæ фистæй
Нæ фæццæудзæнæн æз уонæмæ!..
* * *
Гъенур байдæдтон æз лæдæрун,
Цæмæ хаттæ ионгкалдæй,
Гъенур базудтон дин хуарз дæ рун
Мæхе зæрдæн æз йе'змалдæй...
* * *
Æма радзагътонцæ сæ мæлæтмæ,—
Уæд нин адæми æхсæн федуд цард,
'Ма уæд дзагътонцæ, куд фæди-фæдмæ
Иронх кæнунцæ сæ æфхуард...
* * *
Адтан æз æма ме'рвадæ
Цардæн а;нцойнадæн лæвæрæн;
Уидта мах царди æ кадæ,
Адтан æ зæрдæн ин æ дауæн...
* * *
— Куд кæнон, чи кæнон? — йеу сахат
Æз мæ меднимæр ракодтон
Æма, — ме'рцуд æгъдауæн еу сахъат
Ма 'рхæссæд, — мæхецæн ма загътон...
* * *
Куд уонæн сæ хестæр, мæ фусун
Кодта мæ алцæмæй дæр боц —
Чи ма мæ гъудæй, æз дæу фæрсун, —
Кæд йеу изол ми адтæй хъонц?..
* * *
Æма æрбацудæй нин кæнунмæ,
Дусхаттæй, Хорческæ къæбæр, —
Æ дууæ рошеми сурх æхшет...
* * *
— Ай-гиди, — дзагътон мæ меднимæр, —
Ку фæццæринæ мæгурæй,
Фал ай хæццæ ба йеу изæр
Бабадæ артмæ уарзонæй.