Бүген җырчы Ландыш Нигъмәтҗанованың туган көне.
«Туган көнем белән мине. Шулай исән-имин генә, тыныч кына, бәхетле булып яшәргә язсын. Тормышымда булган барлык кешеләргә рәхмәт», – дип язып, фотолар куйган җырчы социаль челтәрдәге сәхифәсендә.
Ландышка иҗатташ дусларыннан һәм тамашачыларыннан би-и-ик күп котлау сүзләре килеп ирешкән.
Шул исәптән, җырчы Илсөя Бәдретдинова да: «Бәхетең аягыңа уралып йөрсен, матур кыз», – дип комментарий калдырган.
Аңа җавап итеп Ландыш: «Амин. Абынып кына егылмаска инде шулхәтле уралган бәхеттән», – дип көлгән.
Җырчыны «Интертат» та гомер бәйрәме белән котлый, аңа гаилә иминлеге, бәхет-шатлык, сәламәтлек, иҗат уңышлары телибез.
Фотолар: Ландыш Нигъмәтҗанованың шәхси аккаунтыннан