Башкортстанның Авыргазы районы Абдрахман авылыннан мобилизацияләнгән 48 яшьлек Илгиз Вәлитовны соңгы юлга озатканнар. 30 июньдә аңа 49 яшь тулган булыр иде, дип яза Авыргазы районы газетасы.
Хушлашу мәрасименә Башкортстан премьер-министры урынбасары Ирек Сәгыйтов, район башлыгы Арслан Шагаретдинов, мәрхүмнең якташлары, туганнары килгән. «Ул һәрвакыт безнең өчен батырлык һәм каһарманлык үрнәге булып калыр. Якыннарына һәм туганнарына кайгы уртаклашу сүзләрен җиткерәм!» – дип язган район башлыгы.
Илгиз Вәлитов октябрь аенда мобилизацияләнгән булган.
Аның танышлары күпсанлы кайгы уртаклашу сүзләре язган.
Гөлсинә Бикбова: «Күпме гомер өзелә. Туганнарының кайгысын уртаклашам».
Айдар Нәфыйков: «Мобилизацияләнгәннәр бигрәк кызганыч, урыны оҗмахта булсын».
Альмира: «Эх… Яшисе дә яшисе… Бик кызганыч».
Миләүшә Исхакова: «Илебезнең батыр улы. Якыннарына пәйгамбәр сабырлыклары бирсен» .
Флүзә Рәҗәпова: «Яшь чагы, кызганыч».
Дилә Әхмәтҗанова: «Илгизнең авыр туфраклары җиңел, урыннары оҗмахта булсын. Фәридә апага, апаларына, абыйсына Аллаһ Тәгалә сабырлык бирсен».
Гөлзирә Әлимбәкова: «Фәридә әбекәйгә сабырлык бирсен».
Гүзәл Хәйретдинова: «Әниеңә, туганнарына Ходай сабырлык бирсен».
Лилия Мөхәммәтгалиева: «Караңгы гүрләрең якты булсын, брат».
