Җырчы Винарис Ильегет социаль челтәрләрдә зур шатлыгы белән уртаклаша. Күптән түгел генә кавышкан пар инде «әти-әни» булырга да өлгергән.
«Күптән көтелгән яңалык! Безнең дикобраз туды. Казанның зооботаника бакчасында туган дикобразның әти-әнисенә безнең хөрмәткә Винарис белән Лилия дип исем кушарга тәкъдим иткәннәр иде. Без бик дулкынланабыз һәм яңа туган дикобраз баласына исем эзләү белән мәшгульбез.
Котлаулар кабул итәбез! Әти-әни булдык!» – дип шаяра Винарис.
Дикобраз баласына ЛиВарис, Лильвин, ВинЛи, Ливан, Винлия, Лиярис кебек исемнәр тәкъдим итеп, комментарийлар калдырганнар.