Мафия лидерларының берсе бухгалтерының аңардан ун миллион доллар үзләштергәнен ачыклады. Бухгалтеры саңгырау һәм телсез иде. Шуңа аның янына ишарә теле белән сөйләшә алучы белгечне алып килде һәм аңа әйтте:
- Ун миллион доллар кайда икәнен сора.
Белгеч бухгалтердан ишарә теле белән сорады. Бухгалтер белмим дип җавап бирде. Шуннан соң мафия лидеры мылтыгын бухгалтерның маңгаена терәде һәм белгечкә әйтте:
-Тагын сора.
Белгеч әйтте: "Әгәр сез аңа акча кайда икәнлеген әйтмәсәгез, ул сезне үтерәчәк". Бухгалтер ишарә телендә җавап бирде: "Акча склад артына күмелгән кара капчыкта".
Ишарә теле белгече лидерга әйтте:
- Бухгалтер сезнең турында "ул куркак, мине атарга батырчылык итмәячәк" дип җавап бирде.
Бу сүзләрдән соң лидер бухгалтерны атып үтерде. Мәсьәлә ишарә теле белгече файдасына тәмамланды, ул әйтелгән урыннан акчаны барып алды.
Мораль
Сезгә сүз җиткерүчегә һәм аның фикерләренә таянып кына нәтиҗә, хөкем чыгаруыгыз дөрес түгел, чөнки сез күпмедер вакыттан соң хакыйкатьне белергә мөмкинсез. Кеше сүзенә ышанып төзәтеп булмаслык хата ясавыгыз бар.
(Гарәп теленнән тәрҗемә ителде)