Люблю эксперименты. Передача на Национальном радио Чувашии "Шӑнкӑр ҫемĕ" дает мне много возможностей совмещать мои любимые вещи: изумительный чувашский язык и крутейшие чувашские песни. Недавно выпустили передачу про современную чувашскую музыку. Это пушечка.
Использованы аудиозаписи Алексей Николаев , Вера Кожеманова , Aleksandr Aidarov , DIVA Ethno Future Sound , Вася Васин. Прослушать ее можно у меня на странице ВК.
________________________________________________________
Чипер-йĕркеллĕ эп лараттăм мăшăрта, паян тĕнче кун-çулĕпе паллашнă. Вĕрентекен вуларĕ лекцине аван, кĕлчечексен вăрçи пирки каларĕ. Анчах ман шухăшăм кăшт юлчĕ-ха унран, кăнтăрлапа Контакт çыру çитерчĕ:
- Салам, эп тунсăхларăм, мĕн тăван? Тен, Атăл кӳлмекне кайса килетпĕр?
Çулларанпа сана салам яман. Эс хăв та сăмахпа иртĕнтермерĕн. Çур кунĕнче çуралнă туйăмсем кĕр еннелле çухалĕç пулĕ, теттĕм. Аван пике эс, пач сиенлĕ мар. Сăну-питӳ чипер, черчен çан-çурăм. Куçу çӳлти тӳпе: сенкер те тарăн. Кăлкан пек хумханать сап-сар çӳçӳ. Çулла нумай çӳрерĕмĕр санпа юлташланса, хĕрӳччĕ сисĕм-туйăм. Каçсем иртетчĕç самант пек Шур Атăл хĕрринче пĕрле чухне. Кăвайт чĕртеттĕмĕр... Сан юрату чуна парать-тăр ăшă теттĕм. Анчах ăшши вутран çеç тухрĕ пулмалла.
Сана манмашкăн кирлĕ пулчĕ вăхăт. Хĕл кунĕ урамра, çумра пике. Сана манас тесе унпа эп пултăм. Саватăпах пек, улталамăп тек. Çур кунĕнче çуралнă туйăмсен ем-ешĕл çеç калчи кĕр кунĕ çитнĕçем пулинччĕ хăмăл. Пулмарĕ, курăнать. Кăкăрăмри чул пулса тăнă яш чĕре пусарнă вут-кăвар каллех хĕмленчĕ, вăй илчĕ те пĕçертрĕ-илчĕ чунăма.
Универтан эп тапса тухрăм васкаса.
Тĕлпулăпах, курас килет сана. Кӳлмек енне каять троллейбус, çитсе пырать вăл ман чарăнăва. Чĕре сурать, туятăп таппине. Мана халь юрă çеç пулайĕ пулăш. Плейлист, рок-юрă, Сывлăм, Леша, пулăш. «Манма пуçланăччĕ» тесе юрла, юрла эс, юрăç. Кĕвви сан хăвăн, эп ăна пĕлеп. Сăввисене Апаш Вăлачĕ çырнă. Юрла, Алюш, юрла! Ман айрподс сана янраттарать.
Сывлăм Алешĕ – Манма пуçланăччĕ
Çук, йăпатмасть... Йăлтах-çке вăратать, ыратманни те йынăшма пуçларĕ. Çур çул пек тĕлпулманччĕ эп санпа. Пĕрремĕш йыхравпах хыçран вĕçетĕп халĕ. Мĕскер сӳнтерчĕ-ши вĕри туйăмсене? Çулла ăшши кайсан, тен, кĕчĕ сулхăн? Йăлтах аванччĕ-çке, чăнах, иккĕленменччĕ. Санпа эп ĕмĕре ирттерĕп теттĕмччĕ ун чух. Сăпайлă эс, илемлĕ, çепĕç, сапăр...
Асилтĕм... Пĕчĕк харкашу. Айван сăмах анчах. Ун чух чĕрре кĕрсе каймалла марччĕ. Эп чарăнмарăм, эс те чарăнман... Пĕрне-пĕри илтме тăрăшмаллаччĕ. Апла-каплаччĕ, пурччĕ, темччĕ... Çак «ччĕ» вăл ытларах тарăхтарать.
Мĕн-ма каятăп эп кӳлемĕше? Çав «Амăш палăкĕ» умне çитсе тăрасшăн. Унта мана кĕтет сӳнмен хĕлхем. Унта эп çуллапа халь тĕлпуласшăн! Калаçмалла, чăнах калаçмалла. Иртет вĕт ĕмĕр хăвăрт, туйăнмасăр. Чунра «Шану», наушник хăлхара. Тутарстанри юрра сĕм авалтан юрлаççĕ...
Shanu – Сенкер шел
Аван ĕнтĕ. Чупатăп кӳлмеке. Çумри хĕрпе вара мĕн тумалла тет? Ăна эп шанăç патăм, ĕнентертĕм-çке. Чунне уçма манпа чарса тăмарăм. «Пууш параппан». Кӳштек-мĕн эп, эс калăн, фантазер. Çу кунĕнчех путланнă кăвайтран хĕрӳ хĕлхем илесшĕн. Çумри пике-хĕре кӳрентерсе хам тĕлĕкпе пулма ĕмĕтленесшĕн... «Пуш параппан».
Çулла аванччĕ, чăн та, тавлашмас. Çур çул та иртрĕ унтанпа. Çитет пуль ĕнтĕ тӳпере вĕçме. Халь тин вăл килнĕ, кайнă, иртнĕ. Сывпул теме, васкап сывпул теме! «Пуш параппан».
Мĕскер юрри ку, ăнланмастăп эпĕ?! Ман намăса пин хут вăйлантарать. Ахаль те аван мар ăшра, кунта... Ак, Виктăр Аванмарт. Епле хайланă сăвă. Кĕвве çуратакан: Айтар Сашши. «Пуш параппан» тесе юрлать «Тарай». Питлет мана Эстони çĕрĕнчен...
Тарай ушкăн – Пуш параппан
Ах, çуллахи савни... Ун чух çапла шутлаттăм: ку хĕрпеле тăхтамăп ташлама. Кăшт çитĕнсен мăшăрланатпăр, теттĕм. Хăна-вĕрле пуçтарăттăм унпа...
Барта чухне паллашрăмăр эпир. Ун чух хитре таш каçĕ. Вăл килнĕччĕ унта кăштах канма. Эп кăштах марччĕ, юлташпа лараттăм. Сенкер куçа эп куртăм аякран. Бар ĕнтрĕкрех, çутта кăмăлламасть. Кун пек çĕрте тĕксĕмлĕхе саваççĕ. Хунар пек ялтăртатрĕç куçĕсем...
- Салам, ыраттармарĕ-и сана? - тесе эп кулараххăн сăмах хушрăм.
- Ыраттарман. Пирĕштисем çунатлă. Ӳкмен эп, вĕçсе аннă савăнсах. Ман аннене кĕрӳ те кирлĕ мар...
Нумай калаçрăн эсĕ ун чухне. Курсассăнах ăнлантăм — эсĕ манăн. Паллашрăмăр хитре. Çур кунĕ иртсе кайрĕ шăхăрса, çулла юланутпах вĕçтерчĕ пулĕ. Нумай ташларăмăр çулла санпа... Çав Питĕрти пĕр Дива фьюче саунд пире парайчĕ савăнăç ун чух. «Шур шăпалер» ман халь те хăлхара...
DIVA Ethno Future Sound – Шур шăпалер
Çук, çук. Эс маншăн юлăн çулларах. Сана эп хĕл кунне илсе кĕместĕп. Паян тĕлпулăпăр, калаçăпăр тата. Пĕрне-пĕри пур кăмăлтан сывпул теетпĕр. Санпа аванччĕ, лайăх аташма. Кулла-вăййа эс чăн та питĕ маçтăр. Хаваслă çамрăклăх ман пулчĕ санпала. Анчах вăл çамрăклăх! Ăна каçарĕç.
Сан хыççăнхи пике вара каçармĕ. Ăна эп кӳрĕнтермĕп, чăн сăмах. Санпа кăна ман пăнчă лартмалла. Лартар вара! Çак пурнăçăн вĕр-çĕнĕ калавне çуралчĕ кăмăл пуçламашкăн «Хайлавпа» пĕрле. Василий Иванов панк-рок юрлать, хăех çырать, хăех хайлать. Мана та питĕ лайăх ăнланать.
Сана хăварăп эпĕ çуллара, хам утăп малалла урăххипе! Санпа хаваслă çамрăклăх хыçра, унпа телейлĕ çамрăклăх умра!
ХАЙЛАВ - Çамрăклăх