- Ишембай һаңғырауҙар спартакиадаһын ҡабул итә. Бындай кимәлдәге сара Башҡортостанда, атап әйткәндә, Ишембайҙа, тәүгә үткәрелә. Кёрлинг - сағыштырмаса йәш спорт төрө, беҙгә профессионалдар уйынын ҡарау бик ҡыҙыҡлы, ярыштар өсөн майҙансыҡ биреүебеҙгә шатбыҙ, - ти Ишембай районының Физик культура һәм спорт идаралығы рәйесе Марат Зарипов.
Күптәребеҙ өсөн кёрлинг бөтөнләй таныш булмаған спорт төрө булғанға, уның мәғәнәһе һәм ҡағиҙәләре тураһында ҡыҫҡаса һөйләүҙең мәғәнәһе бар. Был боҙ майҙансығында команда уйыны. Юлға икешәр команда сыға, һәр береһендә - дүртәр кеше. Турнир ун бойондороҡһоҙ осорҙан (эндтарҙан) тора, уларҙың һәр береһендә команда һигеҙәр таш сығара. Уйынсыларҙың бурысы - юлдың ҡаршы осонда урынлашҡан “йорт” тип аталған сәптең үҙәгенә эләгеү. Таш “йорт” үҙәгенә ни тиклем яҡыныраҡ булһа, команда ла шул тиклем күберәк мәрәй йыя. Бында, уйынсылар әйтеүенсә, көс һәм мәргәнлек кенә түгел, логик фекерләү ҙә ҙур әһәмиәткә эйә. Көслө йүнәлеш биреү генә түгел, ә уйын тактикаһын уйларға кәрәк, сөнки ҡағиҙәләр буйынса ярышташтың таштарын “йорттан” бәреп төшөрөргә йәки уларҙы оборона менән тәьмин итергә мөмкин. Юҡҡа ғына кёрлингты боҙҙа шахмат тип атамайҙар бит. Уйындың тағы ла бер ҡыҙыҡ мәле бар - уйынсы - кёрлер - ташты осорғандан һуң, береһе йәки икәүһе, юл буйлап шыуып, снаряд алдында щеткалар менән боҙҙо ышҡый башлай. Ситтән ҡарағанда, улар яланда тәртип урынлаштырырға тырыша, әммә спортсыларҙың бурысы берәү - тайғаҡ ер өҫтө булдырыу һәм сәпкә өлгәшеү маҡсатын ҡуйыу өсөн таш мөмкин тиклем нығыраҡ шыуырға тейеш булған боҙ участкаһын шыуып үтеү. Шотландия кёрлингтың тыуған иле тип һанала, унда йәшәүселәр 16-сы быуатта таштар менән боҙҙа ваҡыт уғҙарыр булған.
16+
Ирина Вахонина.
"Восход" гәзите.