Алдағы өс көндә Башҡортостанда ямғырлы һауа торошо һаҡлана, тип хәбәр итте республика синоптиктары.
Фото:Галина Бахшиева
Башгидромет мәғлүмәттәре буйынса, бөгөн республикала бер аҙ ямғыр яуыуы фаразлана. Ел көньяҡ-көнбайыштан, төньяҡ-көнбайыштан талғын, урыны менән көсәйеүсән. Һауа температураһы көндөҙ +9, +14 градус.
4 апрелдә урыны менән бер аҙ ямғыр, төндә ҡар ҡатыш ямғыр көтөлә. Ел төньяҡ-көнбайыштан, көньяҡ-көнбайыштан талғын, көндөҙ урыны менән көсәйеүсән. Һауа температураһы төндә -2, +3, көндөҙ +5, +10 градус.
Шәмбе, 5 апрелдә, һауа торошо үҙгәрмәй. Шулай уҡ урыны менән бер аҙ ямғыр, төндә ҡар ҡатыш ямғыр көтөлә. Ел төньяҡ-көнбайыштан, көньяҡ-көнбайыштан талғын, көндөҙ урыны менән көсәйеүсән. Һауа температураһы төндә -1, +4, көндөҙ +10, +15 градус.
Автор:Галина Бахшиева