Район хуҗалыкларының машина-трактор паркларында техника төзеклеген тикшерү дәвам итә. Аның чираттагысы «Сосна» җәмгыятендә үтте, биредә 38 трактор һәм 27 арба техник күзәтү үтәр өчен әзерлек сызыгына баскан иде.
Кыр эшләре вакытында хезмәтне саклау, техника куркынычсызлыгы һәм иң мөһиме — кеше гомеренә, аның сәламәтлегенә зыян килмәсен өчен таләпләрне үтәү бик тә мөһим, дип искәртә ТРның дәүләт техник күзәтчелек итү идарәсенең район буенча бүлек башлыгы Марат Габдрахманов. Ул «Сосна»лыларның әзерлеген югары бәяләде.
