Салават ӘБҮЗӘР ДОҒА Бисмилләәһир-рахмәәнир-рахим. Эй, Раббым, Аллам! Һин — ғаләмдә Хужабыҙ, Тик Һиңә генә ялбарып, беҙ ҡулдарҙы һуҙабыҙ. Барлыҡ маҡтау-рәхмәтебеҙ Һиңә генә, — Һинең ҡөҙрәт менән йәнгә иман инә. Һин шәфҡәтле, миһырбанлы, мәрхәмәтле, Шөкөр тибеҙ биргәнеңә, беҙ — рәхмәтле. Эй, Раббым, гонаһтарҙы ярлыҡай күр, Халҡыбыҙға сәләмәтлек, сабырлыҡ бир! Хәләл булһын тапҡаныбыҙ, ҡапҡаныбыҙ, Көфөрлөктән азат булһын уй-аңыбыҙ. Һәр ҡолоңа насип әйлә донъя йәмен. Теләгебеҙ ҡабул булһын, Раббым! Әмин 🖊️Салауат Әбүзәр 2022. "Бәрәкәт асҡысы" исемле китаптан.