❓ Адкуль узяліся і куды зніклі характэрныя дамкі майстроў з вуліцы Ажэшкі? Чаму іх раней было ажно 20, а цяпер застаўся толькі адзін?
🏘 Упершыню яшчэ свежанькія дамкі майстроў былі адлюстраваныя на так званым плане Тодта канца XVIII стагоддзя. Яны былі часткай Гарадніцы Антонія Тызенгаўза - фактычна, горада ў горадзе.
☝️ Гэта было жытло для замежных майстроў - немцаў і французаў. У адрозненне ад мясцовых прыгонных сялян, якія працавалі на мануфактурах як некваліфікаваная сіла і жылі невядома дзе, майстроў Тызенгаўз рассяліў у зручных доміках. Гэта быў першы на тэрыторыі Беларусі прыклад тыповай комплекснай жылой забудовы.
🏗 Да пачатку ХХ ст. з 20 домікаў засталіся 10. Усе яны перажылі і Першую і Другую сусветную войны. У міжваенныя гады яны былі ўзятыя пад ахову. У савецкую ж эпоху толькі спецыялісты па архітэктуры з Масквы і Ленінграда Ягораў і Квітніцкая заклікалі гарадскія ўлады захаваць цікавую забудову. Але ў 1960-70-я гады грошай у СССР было шмат і мясцовыя архітэктары гэтым карысталіся, прасоўваючы свае праекты. Так на Ажэшкі з’явілася хрушчоўка з колішняй крамай “Маскоўскі”, бязлікія дамы № 36 і №38 (гэта тыя, дзе на першых паверхах крамы і галерэя).
Пра тое, што забудову Гарадніцы трэба ахоўваць, пачалі зноў гучна казаць толькі ў 80-х. Тады з домікаў майстроў захаваўся толькі адзін. Сёння там Музей гісторыі Гарадніцы.
👉 Чытайце пра тое, як некаторыя дамкі майстроў можна было б аднавіць
👉 Глядзіце галерэю, як выглядалі на старых фота тызенгаўзаўскія дамкі
ПАДПІСАЦЦА НА КАНАЛ HRODNA 11:27
