Халал
Пурнӑҫӑм вырнаҫрӗ ҫакӑнта -
Чунăм пурлăхне сӑвва куҫартӑм.
Сирĕн , тен , тӗллевӗр - ҫӑкӑрта ,
Эпӗ куҫҫультен шӑрҫа пуҫтартӑм.
Чĕререн тухайнӑ чӗр сăмах,
Уҫса ятӑр сирӗн чунӑра.
Пӗр йӗркийӗ: - чӑн та пӗр ахах ,-
Тееймес те - пурпӗр вулӑр-ха .
Никам та пулман леш тӗнчере -
Сӑвӑҫсем унта сăваплă пулӗҫ.
Малаллах тӑсатӑп тӗпчеве -
Чи кайран камсем хăюллăн кулӗҫ?
Пурнӑҫа ирттертӗм сӑвӑпа -
Урăх нимĕн те тума пӗлмерӗм.
Асра ан илӗр йывӑрпа -
Парӑма эп сăмахпа тӳлерӗм.
Юрий Трофимов