29 июнь көнне Яшел Үзән районында "Мәктәпкәчә белем алу мөмкинлеген арттыру ресурсы буларак федераль программалар hәм республика проектлары" темасына мәгариф hәм фән хезмәткәрләренең мәктәпкәчә тәрбия буенча республика август киңәшмәсе секциясе узды.
Яшел Үзән районы мәктәпкәчә белем hәм тәрбия бирү учреждениеләре үзләренең эш тәҗрибәләре белән уртаклаштылар. Пленар утырыш кысаларында Татарстан Республикасы Мәгариф hәм фән министры Хадиуллин Илсур Гәрәй улы тарафыннан Балтач районында мәктәпкәчә тәрбия буенча алып барылган эш югары бәяләнде. Мәктәпкәчә тәрбия бүлеге методисты Нотфуллина Гөлнара Фирдәвес кызы hәм "Катнаш төрдәге Карадуган балалар бакчасы" музыка җитәкчесе Васильева Илhамия Таhир кызы Татарстан Республикасының мәгариф hәм фән министрлыгының Рәхмәт хаты белән бүләкләнделәр.
